اروع قصيدة ......غربة بلا عنوان......

[حياة القلب]

غربة , عنوان

اروع قصيدة ......غربة بلا عنوان......

يـعـيـن الله يادنيــا تســوق ايـامـها الاحــزان

يعيـن الله وانتي مثـل قــفـلٍ ضــاع مفــتاحه

يـعـيـن الله وجــروحـي لها في كل وقــتٍ شـان

كـذوب اللي يقـول ان الزمـن بيـداوي جراحـه!

سقى الله يوم انا يـمــّه غـريـرٍ يـزعـج الجـيران

سقى الله يوم انا طفــلٍ يصـــجّ البيت بصياحـه

سقى الله يوم كان اقـصى طـمـوحي لعبــة الدنان

نهاية يومي المغـــرب واخـاف الليـل واشباحـه

سقى الله يوم انا البس بشـت ابوي وثوبه القيطان

واقـلد كل شيٍ فيه حكيَه .. جـِـدّه . . امزاحه

واشيل المسبحه مثله ليا هـوجس وهو ســرحان

يشعر واحسب إن اللي عطاه الشعر مسباحه

سـقى الله بيتنا ذاك البسيـط مشـقق الجـدران

شجاعٍ . . يهـزم الغـدرى بقنـديلـه ومصباحه

تكحلنا القناعه . . لاطمـع . . لاهـمّ . . لاحـرمان

واذا جا الليـل تكفيـنا ثـلاث اخــوان طـراحـه

جميـع الذكريات اللي غـدت في قـفرة النسيـان

تحاكي حلـوها عـبره بمـوق العـين سباحه

خذتني غــربةٍ . . عـنـوانها ( غــربـه بلاعنوان )

ابي عقب التعب راحه لقى فيني التعب راحه

ورجعت اليوم مثل اللي رجع عقب القنص خسران

غــدى طيــره وجا يسحـب سلوقـيه وملواحـه

قصيده . . ما بعد مـــرّت في بال مساعــد وضيدان

هواجيــس ابدويٍ هايــمٍ فـي عــشق فلاحـه

وروحٍ تايـبـه . . كانـت تبي لذنـوبها غـفـران

خطاي اني كتـمـت اســرارها بعـيـون بواحه

تقـولين المطـر يمّـــه مهو دايـم يـجـي هـتان

اجل معذور قلبٍ في همومــه ضاعـت افراحـه

ا نا يـمّـــه غــلــطــت ولاني اول واحــدن غــلـطان

ا بونـا آدم من الجنــه . . خـرج باسـباب تفـاحـه

للشاعر محمد العصيمي
المصدر:

اقرأ أيضا::

• اروع قصايد غربة الزمان خاطرة غربة الزمان

• شعر جديد غربة الروح خاطرة غربة الروح

• احلى قصائد قصيدة غربة وليل . الشاعر بدر بن عبد المحسن . روائع الشعر النبطي. قصائد مختارة

• اروع قصائد قصيدة عن الفراق ، قصيدة بعنوان حالة فراق ، غربة الفراق

• اروع كلمات غربة الرحيل , غربة احتاجت الرحيل

المصدر: منتدي صور حب

---

hv,u rwd]m >>>>>>yvfm fgh uk,hk>>>>>> yvfm uk,hk