اجمد قصايد : لا صار بعض البوح عند البشر عار .....

[منال]

البوح , البشر

اجمد قصايد : لا صار بعض البوح عند البشر عار .....

آلصمت له عندي معزّه ومقدار
في زحمة الأفوآهـ .. يآ مزين الصمت !!

لا صار .. بعض البوح عند البشر عار .
لو يشتعل جوفي حشى ما ..تكلّمت

تعبت من قولة : (علامك) و (وش صار )
وإن طحت ما ألقى سوى كلمة (سلمت)


وأعذار.. أخلقها ولو مالي أعذار
مشّيتها مرهـ .. ومرات ما رمت !!


كذبة ..صباح الخير / يا صبح الأنوار
عذري ليا عدّت ... ليالي ولا نمت


أسهر ..طوال الليل ..وضْيوفي أفكار
وأقول لصحابي : نعم توّني قمت !!


ما عاد فيني ألفت .. عْيون واْنظار
يكفي.. بأني من زماني تعلمت


إن الصدر بيت / ن .. وسكّانه أسرار
نيّام .. بس يصحون لامن تألّمت


يصحون.. ويناظرهم الجار و المار
وش عاد ينفع سترهم لو تكتّمت ؟!!


آقدّم أقدامي.. على درب الإصرار
أمشي ولكن للأسف ..ما تقدّمت


{النار قدآمي .. ومن خلفي النار !!
والعمر يمضي بي وأنا ... ما تولّمت


يا لين ذاك الحلم في ... لحظه أنهار
وأنا مع لحظة سقوطه ... تحطّمت


أجروحي أكثار.. وتناهيدي أكثار
لكن على كثر المواااجع .. تبسّمت !!


ثم أْلتزمت الصمت .. وعزومي أكبار
ولو يشتعل جوفي حشى .. ما تكلّمت

مما راق لي

المصدر:

اقرأ أيضا::

• اجمد قصائد &..ياليت القلوب الصافيه بين البشر تنباع

• قصايد خطيرة البوح في شرعي ,الشاعر سليمان المانع . قصائد نبطية . اشعار مكتوبة . روائع الشعر البدوي

• اجمد قصائد حكم البشر جائر

• ارق قصايد دموع أهداء لاغلى البشر

• شخصيات تاريخية جليله بدرية البشر | الكاتبة بدرية البشر | الإعلامية بدرية البشر | الكاتبة بدرية البشر

المصدر: منتدي صور حب

---

h[l] rwhd] : gh whv fuq hgf,p uk] hgfav uhv >>>>>