#1
| |||
| |||
قصايد حلوة سعودية في تونس بو جعفر هو شاطيء من شواطيء سوسه بتونس الخضراء اليكم القصيده ياطفلتن تمشي ببو جعفر تحرك بانتظام في تونس الخضرا كما نجمن تعلا واعتلا الناس زحمه واقبلت ما كنها وسط الزحام ماكنها الا وحدها بدرن تجلا وانجلا لكن غريب الباسها حشمه وتمشي باحتشام تلبس طويل وجسمها المبروم شي(ن)مذهلا قلت السلام وقفت تنظر بعين الاحترام كلمتها ردي عليه جاوبي هالمبتلا قولي هلا ياوردة العشاق اوقولي سلام ان كان ماقلتي سلام ارجوك قولي لي هلا ردي عليه جاوبيني لا تخافين الكلام ان كان قلتي مرحبا واهلين قلنا مسهلا قولي لي اسمك قالت اسمي يانظر عيني سهام انا سعوديه وشكلي واضحن بين الملا ما اتشوفني حلوه وعندي من هل العوجا وسام عندي وسام العقل والعفه ورفع المنزلا ذيك امي اللي جالسه وبجنبها اخويه عصام والريم واختي ماجده واللي تهرجهم رولا قلت الصراحه ما احسب انك من مداهيل الكرام انا احسك من هنا ريمن رعى ورد وكلا مار اسمحي لي شكلك الجذاب سوا لي هيام الله خلق فيك الجمال وسال من ثغرك حلا انتي كما بدرن سرى سهران في عتم الظلام وانتي كما روض يعله ماطره حتى امتلا ياروضتن خضرا تنثر في مرابعها الخزام يانسمة هبت بوجه الصبح مع ريح الغلا يافارعه بالطول ياجسمن تناسق بانسجام هذا هو الجسم العجيب وغير هالطله فلا يارايقه بالهرج ياقطر الندى تحت الغمام يافاتنه ياساحره قلبي لغيرك ما ولا مير ارحميني شوفي الخفاق ذاب من الغرام من قبل ما اشوفك ونا سالم ولا فيني بلا ياسرع مارفرف لك الخفاق يافرخ الحمام وياسرع ماقلبي تعلق في غرامك وانبلا ياما سهرت وسالت العبرات والعالم نيام اشقيت عيني ياعديم الوصف ياريم الفلا انتي بقايا عمري الضايع وروحي المرام وانت الونيس لخاطري غالي ولا بعدك غلا جلست اسولفها وسادت بيننا روح الؤام اموت فيها لو تغيب القلب عنها ما سلا المصدر: اقرأ أيضا::
المصدر: منتدي صور حب rwhd] pg,m su,]dm td j,ks |
الكلمات الدليلية (Tags) |
سعودية, تونس |
| |