قصائد روعه ●[لإَسٌألَنـٌىأإ جٌارٍَكـٌمَ : وٌِشٌ بـٌكَ هنٌـيّـآإ تسٌتـدَيـرُ ؟●

[حزينة منسية]

●[لإَسٌألَنـٌىأإ , جٌارٍَكـٌمَ , وٌِشٌ , بـٌكَ , هنٌـيّـآإ , تسٌتـدَيـرُ , ؟●

قصائد روعه ●[لإَسٌألَنـٌىأإ جٌارٍَكـٌمَ : وٌِشٌ بـٌكَ هنٌـيّـآإ تسٌتـدَيـرُ ؟●

●[لإَسٌألَنـٌىأإ جٌارٍَكـٌمَ : وٌِشٌ بـٌكَ هنٌـيّـآإ تسٌتـدَيـرُ ؟● صَ ــبآإحٌ / مسآإءٌ الخيراااات للجميع
قصيدهـّ أعجَ’ـــبتنيّ فـَ أحببتُ طرحهآإ’ ..



●□●

علمتنـي المترفـه : وشلـون احـس انـي ثـري !!
نصبّتنـي عرشهـا ،، ونصبّتهـا عـرش الحصـيـر



بـس انـا .. علمّتهـا بصدقـي واصالـة جوهـري :
كيف يحتـاج الغنّـي .. لخبـزة احسـاس الفقيـر !!


اشعلـي يـا نجمـة العشـاق - ليلـك – واسهـري
امشي فـس الطريـق .. وجرّبـي نفـس المصيـر


وبلّغـي صـادق تحيـاتـي / لحـزنـي ، وقـهـري
يوم كـان الشـوووق لا يرحـم .. ولا عنـدّه ضميـر


وان تعبتـي مـن دروب العشـق واضنـاك سـفـري
اذكريني .. تستريـح : الريـح / ويطيـب : المسيـر


واذكـري .. تاريخـي المـوؤود بانقـاض دهــري
شهقة : الخطوه ( الأخيره ) .. طيحة : الحلم ( الكبير )


رحلة آمالـي .. فتـات اوراقـي .. اطـلال صـوري
سكرة اشعاري .. رماد ضلوعي .. احساسـي الوفيـر


وغدرك اللي .. ما احترم صدري ، ولا صـان ظهـري
وطعنـة ٍ مـن يومهـا مـا مـرّت ايـامـي بخـيـر


طيـري بسـرب امنياتـك .. واوصلـي للمُشـتـري
وانثـري خواطـرك فـي واحـة اللـيـل الضـريـر


اذبلـي .. وتساقطـي .. وتكـسّـري .. وتبـخّـري
وامطـري علـى جـدار الذاكـره / كحـل وعبـيـر


سولفيـنـي للبـنـات الـيـا تقـصّـوك خْـبــري
لا صـدح ضحـك العـذارى وجلسـن حـول الغديـر


كان .. يا ما كان ..... / وتغصّ الحروف ، وتنقـري :
( سالفة حزني ) بصفحـة خـدك : الدمـع الغزيـر !!


: .. كان شاعر – غير – لا ابو الطيّـب ولا البحتـري
كل ما قال : آآه .. جمهـوره مـن الفرحـه يطيـر !!


كانـت افكـاره : كنـوز ٍ توهـب ومــا تنـشـري
يجتمـع عـلـى موائـدهـا المـشـرّد ، والأمـيـر


اصبعه لا من كتب على ال/ ثَّرَى .. يُصبح / ثََـرِِي !!
كيف اجل لو ينظـم ابياتـه مـن خيـوط الحريـر ؟!


كان .. يا ما كـان ..... / ويسافـر سرابـك لنهـري
وتشهـق بصـدرك طيوفـي مـن ورا ضلـع ٍ كسيـر


فـارس ٍ باسـه شديـد ، ويسكنـه قـلـب ٍ جــري
ولا رزَقه الله حصان ابيـض ، ولا سيـف ٍ شطيـر !!


سولفيـنـي وان تغشّـتْـك الـدمـوع ، اتـذكّــري
يـوم كـان الحلـم نهـر .. وكانـت عيونـك هديـر


ويـوم كنـت آخـاف مـا يعجـب عيونـك مظهـري
وانحني منشـان مـا يفضحنـي الثـوب القصيـر !!


اسألـي كـل الشـوارع ، والحدايـق ، واظفـري !!
كيف كنت بكـل يـوم اهديـك ( باقـة ورد ) غيـر ؟؟


كنت اوقّف بآخر الشـارع .. واراقـب .. واحتـري ..
ليـن يهـدا الجـو .. وانتقّـى لـك الـورد النظـيـر


كل مـا امـر بْرصيـف يقـول : خلّصـت زهـري !!
وكل ما اقطف ورده .. اللي جنبها / منهـا : تغيـر !!


اسألـي شباكـك الـوردي .. وش اردى ـظـري ؟؟
لا قعـدت الـف قبـلـة بيتـكـم كـنـي غفـيـر !!


كنـت احاصـر غرفتـك بجيـوش عينـي وبـصـري
كـن لـي عـش ٍ بشباكـك وكـن العيـن طـيـر !!


آآخ .. لـو عشتـي انتظاراتـي ، وشفتـي منظـري
لا سألنـي جاركـم : وش بـك هنـيّـا تستـديـر ؟؟


و- المصيبه – دايمـاً عـذري : مضيّـع دفتـري !!
يبتسم ، ويروح – وانا مصدّق انْ عذري خطيـر !! –


و ، بس يدخل .. اسمعه يضحك بصـوت ٍ مُـزدري !!
- ( حنّا بالعطله ، وصاحا على الدفتر سهيـر !! ) -


اسألي الجـدران .. عـن خـط ٍ عجـز لا ينقـري !!
علّـم الجـدران ( مالـم تعلـم ) فـبـوح الضمـيـر


اسألي امـي .. عـن كـدر بالـي وضيقـة خاطـري
لا سألتنـي: يـااا وليـدي وشبـك ؟؟ .. ورد الزفيـر


السـواد اللـي علـى جفونـي مـن آثـار سـهـري
لـو عرفتـي كيـف كحّلنـي بـه .. الليـل المريـر


كنت لا جـا الليـل .. قلّطتـه علـى الجفـن الطـري
ليـن نصّـي السهـر لعيـون خلـق الله سفيـر !!


وان نفانـي للسهـر - يـا مترفـه – حكـم قـدري
هالسهـر يـا مـا نفـى لـي مـن ضحايـاه الكثيـر


والبيـاض الـلـي تشوفيـنـه تنـامـى بشْـعـري
من مظاليمه : هـلال اعـرج / ونجـم ٍ مستجيـر !!


يـا رُفـات الطيـش فـي تابـوت الاحـلام الـبـري
من خذلنـي بالبدايـه .. كيـف اصونـه بالأخيـر ؟!


ما بقـى لـك غيـر بعضـي .. واستميحـك باكثـري
ضاع .. مثل النور لمـا ضـاع عـن عيـن الضريـر


مثل ما ضاعـت عصافيـرك عـن اغصـان شجـري
مثل ما ضـاع الامـل عـن صبـح شباكـي الصغيـر


وما بقى لك غيـر سالفتـي .. وشعـري .. وصـوري
سولفيهـن للشمـوع الحمـر .. والفـرش الوثـيـر


للستـايـر .. لـلأسـاور .. للـحـاف الـسـكّـري
للهدايــا .. للتـحـف .. للمزهـريّـه .. للسـريـر


واوعدك .. وقت الحصاد .. اتجاهل الجـوع / العُـري
بس لاجل اكتب حـروف اسمـك بحبـات الشعيـر !!


ولاجـل اعـلّـم هالـزمـان المستـبـد العنـصـري
كيـف يحتـاج الغنـي لخبـزة احسـاس الفقـيـر !!



., م ن ,.
المصدر:

اقرأ أيضا::

• قبس من ضياء ●●● وُرُودٌ وَ زُهُورٌ لَمْ تَراهُمْ ●●●

• اروع ايمانيات ●●●●● عَبــَــرَاتٌ عَلـــىَ الأيــّــامِ ●●●●●

• قصائد حلوة { ●● يَاشِينَها لاطَاحْ .. دَمعْ الاكابرْ / .. يَاهيِ كبَيره فيْ عُيون العَصافير ●●

• قصيدة شعرية ●● ياليل تكفى ضمني ماعــاد فيني للـ ج ـراح●● !

• حلويات لذيذة جدا ●● للفن عنوآن وللفراًٍۆلـﮧ ألـوٍآن ●●

المصدر: منتدي صور حب

---

rwhz] v,ui ●FgYQsRHgQkJRnHY [RhvSQ;JRlQ : ,RAaR fJR;Q ikRJd~JNY jsRjJ]QdJvE ?● [RhvSQ;JRlQ ,RAaR fJR;Q ikRJd~JNY jsRjJ]QdJvE