|
#1
| |||
| |||
 شعر كلمات ((( عرافـــــّة وادي النيـــــــل )))                                 (( كذب المنجمون ولو صدقوا )) بقلم الشاعر القدير:حسين الشاطري بأول رصيف (النيل) وبليل ساحر ,,!! مظلم ,,ولابس من قسى البرد ثوبين و(القاهرة) زحمة وجيه ومناظر ,,!! و(النيل) صدر يضم كل المحبين والبال صافي حيل والجو ماطر قمت اتمشى وأهدي (النيل) بيتين وأنا في طريقي شارد الذهن حاير أرحل مع شعري غشتني تلاحين من عند (عرافة) تسوق البشاير ,,!! وتقراء خطوط الكف و(تبين الزين,,!!) طنشتها ,, قالت علامك تكابر ,,!! قرب وهات الكف وأدفع (جنيهين) عديت ما رديت لاهي و ساخر قامت تلاحقني تقل بيننا دين,,!! قلت إيش تبي؟؟ قامت في عيني تناظر وفي عيونها دهشه وحيرة وتخمين,,!! قالت بحق الي سكن بالنواظر تسمع كلامي الي قريته بهالعين,,!! وكانك من (المعلوم) خايف وثاير!! أجلس ولا تدفع ولا فلس يا(حسين) ونشبت في حلقي لين ما قلت حاضر هذي يدي ثم أحضنتها بكفين,,!! قالت أبكشف عنك ماضي وحاضر ,,,!! قلت أخلصي,, قولي وش الي تشوفين,,؟؟ قالت دروبك عشتها في مخاطر ,,!! في ماضي الأيام تفسيرها شين سلمت قلبك شخص يا (حسين) غادر باع المحبه وأشترى الصد والبين كان في حياتك نورها والبصاير,,!!! ويت له في داخل القلب قصرين وأرخصت لجله كل غالي ونادر ومن الشعر يا (ي) وهبته دواوين,,!! حتى رفعته فوق كل المنابر ,,!! والي يلومك فيه ما تسمعه زين ويوم أظلمت دنياك من هم غادر,,!! وضاقت عليك ضلوع صدرك بجرحين قفي وسابك وأنت في موج هادر ,,!! تصبح وتمسي فوق شوك وسكاكين وزود حمولك حمل طاغي وجاير ما يحمله غير الرجال الميامين,,,!!! جاوبتها والجرح في القلب غاير,,!! بسك كفاية لا تزيدين,,, تكفين لا تفتحين الجرح خليه خامر لني دفنته دون غسل(ن) وتكفين,,!! هاتي من الحاضر علوم وأماير,,!! وقولي وانا منصت مع الي تقولين قالت تحب؟؟ وقلت معلوم شاعر,,!! وأخفي شعوري وسط كلمة بحرفين واتبسمت !! قالت دنا منك طاير !!! إنسان مثل الناس مخلوق من طين,,,!! نور حياتك عقب ما كنت خاسر,,!! هل وسكن قلبك عقب صبر عامين,,!! قلت أوصفي !! قالت مميز ونادر ويحمل بصدره يا هوى البال قلبين!!! قلب(ن) تفجر من حنان ومشاعر ,,!! وقلب(ن) ربوعه مزهرة بالرياحين لو هو ضحك ,,!! مابين مسلم وكافر عاشوا سلام يفوق نزغ الشياطين,,!! ولو هو تبسم,,!! وسط جند وعساكر هدو مواقعهم وعافوا النياشين,,!! ولو هو مشى,,!! في قصر شامخ وعامر صف العذارى والوصايف بصفين,,!! ولو هو حكى,,!! تصمت جميع الحناجر تخرج حروفه من شفاهه بتلحين,,!! قلت أوصيفها زين من قبل أغادر لنك جهلتي وصفها لين ها الحين ضحكت وقالت يا لعجول المناور لا تسبق الأحداث هذي العناوين,,!! وأما الوصايف في كفوفك يا شاطر ما تنوزن حتى با أدق الموازين الشعر ليل(ن) لا ارتخى بالستائر فوق الجبين الي يزينه هلالين وعيون نجلاء رمشها سيف باتر تسبي فؤاد الي تصيبه بسهمين بخدين من ديباج هندي تفاخر ,,!! لو يلمسه ورد(ن) جرح خدها الزيين,,!! وخشم(ن) شبيه السيف,,!! مسلول شاهر حارس على الحسن الإلهي من العين,,!! وشفاهها سبحان معبود قادر,,,!! ممزوجة بالتوت وعصارة التين,,!! وأسنان تلمع ,,!!! مثل حد الخناجر تشبه قطع لؤلؤ تساوت بدورين وجيد(ن) سواة الظبي لا فز نافر تاج(ن) على جسم(ن) تملى من الزييين,,!! جسم(ن) طفولي كل ما فيه ثاير,,!! كنه حرير أصلي لفانا من الصين قاطعتها قلت أسمحي لي بغادر لن الوقت عدى ولحنا بدارين,,!! والليل ذاب في نور فجر(ن) يكاسر وإنتي على منتي تشوفي وتهذين قلت إيش مكاني عندها يا ( أم تامر ) إسم سمعته يوم غنت تلاحين ما هو جهل مني ولا عقل قاصر قولي لي الي وسط كفي تشوفين قالت تحبك موت والقلب صابر والروح تشكي من قسى البعد جرحين وتسهر مع طيفك بكل المعابر تلقاه كل ما طلت يسار ويمين,,!! قلت إسمعي مني ترى القلب عامر,,!! بالصبر والإيمان وعندي كتابين,,!! قرآن من ربي ,,!! غشى قلب طاهر,,!! وسنة حبيب(ن) هادي النور ثقلين أدري بما قلتيه والقلب شاكر والحمد له من قبل منتي تبصين,,!! وودعتها والنيل ,,!! شاهد وحاضر,,!! ومشيت وحدي كنني بين قوسين ارمي هموم الوقت في نيل ساهر,,!! وأمشي وأنا وحدي بوسط الملايين,,!! تحياتي ؛؛؛؛ [/frame] المصدر: اقرأ أيضا::
المصدر: منتدي صور حب auv ;glhj ((( uvhtJJJJJ~m ,h]d hgkdJJJJJJJg ))) ,h]d  |
 |
| الكلمات الدليلية (Tags) |
| عرافـــــّة, وادي, النيـــــــل |
| |
العرض العادي
