صور حب




منتدي صور حب
العودة   منتدي صور حب > اقسام الصور الــعـــامــة > منتدى الحوار العام

إضافة رد
LinkBack أدوات الموضوع انواع عرض الموضوع
  #1  
عضو جديد
 
تاريخ التسجيل: Mar 2021
المشاركات: 18,731
افتراضي ابيات شعر روعه مع هجعة اللي يختفون اول الليـل




ابيات شعر روعه
 مع هجعة اللي يختفون اول الليـل

ابيات شعر روعه
 مع هجعة اللي يختفون اول الليـلابيات شعر روعه
 مع هجعة اللي يختفون اول الليـلابيات شعر روعه
 مع هجعة اللي يختفون اول الليـل
مع هجعة اللي يختفون اول الليـل يسرني أن أطرح لكم هذه القصيده لشاعر الكبير/عبدالله عون العتيبي
وتحتوي على التفصيل الممل لسواة القهوه وفيها بعض الوعظ
والنصايح التي قد تفيد من يقراؤها
في هذا الزمان
لله درك يابونايف





مع هجعة اللي يختفون اول الليـل

---------------الغايبـه دايـم يغيبـون معـهـا

النفـس تاقـت لسمـر والتعاليـل

----------------والعين أشوف النوم خالف سنعهـا

وطاب الجلوس بجانب النار ياشعيل

------------------وحط الحطب في ترعتن من ترعها

واليا أستوى للجمر فيهـا دحاميـل

------------------واقبـل تواهجهـا وقفـى ولعهـا

درج على المحماس من غير تعجيل

--------------------بريتـن دوب اليمـانـي قطعـهـا

أول قطاف أسفوح شـم الأقاذيـل

---------------------اللي جذا حوم الوحش عن فرعهـا

شمن يساقيها السحـاب أبهماليـل

---------------------ليت إيتحـدر سيلهـا مـع تلعهـا

وترا لحمستهـا نضـام ودواليـل

---------------------وشريعتن يمشى بثر من شرعهـا

أول بدايتهـا مـدافـع مخالـيـل

----------------------ومسرا جماميـل بغالـي سلعهـا

وسوقن كما سوق الجمال المحاميل

----------------------مازال حمو النـار ماقـد لذعهـا

واليا تطلق من شذاهـا زعاجيـل

------------------------وبشت عرق واللون الأشقر بشعها

فالحال سهلها عن النـار تسهيـل

-----------------------حتى لضـا المحمـاس مايدّرعهـا

وعجل لها ياشعيل مسرا الجماميل

-----------------------بطـراد زلباتـن تزايـد فزعـهـا

تدريجت الحيران ومطـارد الخيـل

----------------------هذي طريقـت حمسهـا واتبعهـا

ومن عقب ميلها على النجر تمييل

---------------------جذاب روس القوم مـن منتجعهـا

عوايدله من على سالـف الجيـل

---------------------ماهـي جديـده توّنـا نبتدعـهـا

ومن يوم تنعمها فـدوك الدعابيـل

----------------------فوق اصهب اللون الربيب أتهزعها

وأضبط قياس الماء لها بالمكاييـل

----------------------ضبط الخبير لصنعتـن مخترعهـا

ومن يوم تقطع خلها مثـل ماقيـل

---------------------ترخي على هدف السبيل أمخذعهـا

مبهارتن تذعـر بغـال التشاكيـل

--------------------طب العماس اليـا تيسـر سنعهـا

صفرآ كما القنديل حسنـا تعازيـل

---------------------من صنعتن رسلان الاول صنعهـا

لادارها اللـي يعتنـي بالمعاميـل

---------------------وفاحت وبالفنجـال الاول ردعهـا

وفيها تساوت خنت اللبـن والهيـل

-------------------والنفـس دافعهـا علاهـا دفعهـا

قم صبلي ياشعيـل منهـا فناجيـل

--------------------على سنـا ضو(ن)تهـادا ولعهـا

أضنهـا يامـال طـول التماهيـل

-------------------تقلع همومي كـان ربـي قلعهـا

وتفتح لها أبوا بصدري مقافيـل

--------------------وتجمع لي أفكارن تشتت ضيعهـا

واخذبها عن ضيقت البـال تبديـل

--------------------وصروف دنيا مامشت مع سنعهـا

دنيـا تصيّـد بالشبـك والمحابيـل

--------------------ناس(ن) تسايرها ونـاس اتخدهـا

أحدن تجيله بالرضـا والتساهيـل

--------------------ولوهو تعب في جمعها ماجمعهـا

واحدن ركابـه مقفياتـن مقابيـل

--------------------ولابـاب ولاّ نـافـذه ماقرعـهـا

وتعطيه قاف أليا طمع بالمواصيـل

--------------------وينكف معيف وسامحن من طمعها

دنيـآ تقـذل سبّـق الحـر تقذيـل

---------------------وتوهنه في ربعتـن مـن ربعهـا

لو قد مضاله من شقاهـا غرابيـل

---------------------يوم الحرايـب مضلماتـن بقعهـا

يوم الطلوع إبها على الهجن والخيل

----------------------ماقد فهق عن طلعتـن ماطلعهـا

ويوم أستقرت واغدقت بالمحاصيـل

----------------------صـارت منافعهـا لمـن لانفهـا

عقبانها تمسـي قوايـآ مواجيـل

----------------------والمستفيد غرابهـا مـع مرعهـا

واللي مسار أمورهـم بالبراطيـل

-----------------------واللـي متـى ماوافقتلـه بلعهـا

ومن ذاق در المرزمـات الاباهيـل

-----------------------أمـا حلبهـا حلـب والا رضعهـا

وحصنيها يرقص على هزت الذيـل

----------------------ولويجتمع قدمـه سباعـن سبعـا

ولاعندنا ياشعيـل للعـوج تعديـل

---------------------ومازال ممشاها على العدل أطعهـا

وان شفتها قامت تجانف على الميل

---------------------بردا ثمن عنـد أول السـوم بعهـا

واستثن منها قومتن فآخـر الليـل

----------------------في ساعتن كلـن يحـب إيهجعـا

لاجال ثلث الليـل الآخـر تراتيـل

---------------------وقامت ملايكة الرضا قمت معهـا

في ساعتـن تكبيرهـا والتهاليـل

----------------------يجنا ثمار اعذوقها مـن زرعهـا

وخل إجتماعك بالرجال الحلاحيـل

----------------------اللي خيـار المجتمـع مجتمعهـا

ولا تبدي الشكوى ليا ضامك الشيل

-----------------------ألا على رجل(ن) يحـس بوجعهـا

رجل(ن)ليا أصتكت علاك النشابيـل

----------------------أمـا شبرهـا شبـر والا ذرعهـا

ومن الزمان أخذ العبر بالرحاحيـل

-----------------------اللـي منازلهـم تهـاوى بقعهـا

ويافكرتي لا جيت بعض المداهيـل

-----------------------ولا شفت فيها عقب حي(ن) رتعها

ألا رسومـن دارساتـن مواجيـل

-----------------------وخرايمن يزمي السراب أبشمعهـا

بلاقعـن شهـب تهـاوى زهاليـل

-----------------------الظاهر إن اللـي فجعنـي فجعهـا

من عقب أهلها لو سقتها المخاييل

-----------------------مالله نفعهـا وبركتهـا نزعـهـا

لاجيتها جضيت مـن قلـت الحيـل

----------------------ودنياي عنـدي ضاقبـي متسعهـا

على حلاحيل(ن) تضـد الرياجيـل

------------------------حصنن ماعاد ألا مقالـع شيعهـا


عبدالله عون
المصدر:


اقرأ أيضا::


hfdhj auv v,ui lu i[um hggd dojt,k h,g hggdJg hggd dojt,k



رد مع اقتباس
إضافة رد

الكلمات الدليلية (Tags)
هجعة, اللي, يختفون, الليـل

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


ابيات شعر روعه مع هجعة اللي يختفون اول الليـل

سياسةالخصوصية


الساعة الآن 02:53 AM


Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Content Relevant URLs by vBSEO