|
#1
| |||
| |||
 اروع اشعار رحله عمر ..الشاعر ابراهيم الشيخي                                 رحلة عمر طال انتظاري والمشاعر شكل غيرولون غيـر والساعـة الرقميـة اذهلنـي جمـود ارقامهـا الطاولة كتلـة خشـب والشمـع بلّلهـا زفيـر والزاوية خجلا تعبـر عـن مـدى استفهامهـا والفجر في قمة جبل مصلوب للأمـر الأخيـر والليل سلمنـي نجومـه واحتطبـت عظامهـا والريح قيثارة على الصامت لها موجة صريـر تتنمل اطـراف النوافـذ مـن رفيـف انغامهـا ميلادي الرابع وعشريـن اقبـل بخيلـه مغيـر ضيفٍِ كسر قيد امنياتـي واعلـن استسلامهـا تارك وراه انفاس مـرت كـل مافيهـا مثيـر هلت لها عيني وانا استرجـع شريـط ايامهـا تساقطت في هيئة اوراق الخريـف المستجيـر من عاصفـة تستعبـد اوراقـه بسـن فطامهـا وحيد واعشق وحدتي والناس من حولي كثيـر حتى ان فوق الارض يزعجني دبيـب اقدامهـا اهبط على سور المدينـة ليـن أولعهـا سعيـر وارجع واشيدها مدايـن مـن بقايـا حطامهـا لو يحسبون اش كثر مافيني من الحزن المريـر دخلت موسوعة قنس واجتزت كـل اعلامهـا تمرد افكاري يسافر بي علـى جنحـان طيـر حتى يوصلنـي مجـرات السمـا واجرامهـا راسي هناك وألف كوكب حول راسي تستديـر متفاوتة مابيـن كبـر وبيـن صغـر احجامهـا مالي مساحة تحتويني من هذا الكـون الكبيـر نفسي تمرجـح بيـن واقعهـا وبيـن احلامهـا اثر البشر ماردها عن حـق تحديـد المصيـر الا مسافـة حـرف بيـن آمالـهـا وآلامـهـا هذة حكاية عمر اسطرها على لوحـة حريـر رسامها كـف القـدر ماهـوب انـا رسامهـا ميلادي الرابع وعشرين انت ضيف وضيف غير صحيفتك بيضا ولا ادري وش تخـط اقلامهـا عسى السنين اللي طواها البين تذكرنـي بخيـر والله يصبرني وانـا استرجـع شريـط ايامهـا المصدر: اقرأ أيضا::
المصدر: منتدي صور حب hv,u hauhv vpgi ulv >>hgahuv hfvhidl hgadod hgahuv hfvhidl  |
 |
| الكلمات الدليلية (Tags) |
| رحله, الشاعر, ابراهيم, الشيخي |
| |
العرض العادي
