|
#1
| |||
| |||
 اروع قصائد قصيدة جامدة ومحزنة                                 يافلاح الهـم خيـم فـوق قلبـي يافـلاح كيف تبغاني أسولف وأنت خابرنـي عليـل وش قولك في عليل في حياتـه مااستـراح تنتثر دمعة عيونه لأظلـم الليـل الطويـل حالـة لاماتباعـد حـال سلطـان الربـاح بالخطأ راحت حياته والخطـأ مالـه مثيـل كان ويا صاحبه إثنيـن فـي أرضُ بـراح يطردون الصيد دايم من الصبح إلى المقيـل اجمعتهم صحبة الدنيا علـى جـد ومـزاح مايهابون الليالـي والحمـول اللـي تميـل ماقتل عامد ولكـن ثـور إبليـس السـلاح بالخطأ ثار السلاح ويـن يلقـى لـه دليـل وانعقد سجنه وربعه تنتظـر فـك السـراح والاكيد إنه سجين ومارضوا ربـع القتيـل هل دمعه يوم صلـى ركعتيـنٌ فالصبـاح في نهار الجمعة اللي من ثقيل فـي ثقيـل هلل وكبر ونفسـه تذكـر اللـي راح راح كان في ربعه عزيز وذله الوقـت الذليـل لامحمـد لاتهانـي لاسعـود و لا صـلاح كلهم كانوا على بالـه وهمـه فـي هديـل طفلةٌ ماكملـت العاميـن صايبهـا كسـاح وإنتثر دمعه وحالـه مـن سبايبهـا نحيـل حان تنفيذ القصاص وغطوا الرأس بوشـاح وجاك سيافه يشيل السيف ابو حـدُ صقيـل إرتخى رأسه وزاد الموقف الحامي صيـاح بين نوح وبين دمع وبين صيحات وعويـل وارتفع صوت الحشود وزاده محمد وصاح يايبه تكفى دخيلك تستمع صـوت الدخيـل يايبه شلون نصبر كيـف نرجـع بإرتيـاح وأنت من دنيا عيالك مأخذك مـر الرحيـل يامحمد هاك علمي واحفظه قبـل المـراح انتبـه لأخوانـك وبالـك عليهـم لاتعيـل والله الله فالصـلاة وفالصيـام وفالصـلاح والله الله بأمكـم والله لكـم بعـدي وكيـل غمض عيونه ونفسـه تطلـب الله السمـاح رافـعٌ سبابتـه مظـلـوم والله الوكـيـل وسل سياف الصفى سيفه وطقه ثـم طـاح رأس سلطان المراجل وانتثر دمـه يسيـل غسلوه وكفنوه وفاح طيـب السـدر فـاح وبالمصادف صار قبره جمب قبر إبن العقيل يافلاح الكارثـة ماهـي سوالـف يافـلاح خلني ساكت ودور غيـر هالقصـة بديـل اقرأ أيضا::
المصدر: منتدي صور حب hv,u rwhz] rwd]m [hl]m ,lp.km [hl]m  |
 |
| الكلمات الدليلية (Tags) |
| قصيدة, جامدة, ومحزنة |
| |
العرض العادي
