#1
| |||
| |||
قصايد اشعار اسطورة العشق أسْطورة العِشْق شَ اكْتب فيك ما أدري ؟! كل الحروف أن بديت تْصيبها حيْره يا أجْمَلْ الغِيْد يا اصْدَق ما كتَبْ شِعْري يا لغز فتنه عجزْت ألْقَى تفاسيره لك في فؤادي مداين عشْق يا عمري سِكَّانها.. الشوق .. والأحلام..والغِيْره قُومي تمشّي هذاني فاتِحٍ صدري لك يا بَعَدْ من تغنّج داخله دِيْره مرّي بساتين شوقي واقطفي زَهْري تْخيَّري اللي تبي والاّ ازرعي غَيْره غَنّي لي الحبّ . . صوتك له نَغَم سِحْري صوتك لوَحْدِه حكايه صَعْب تفسيره!! يا حلو لَثْغَتْك لي من قلتي (وش كُبْري)؟! والطّهْر يَرْسِمْ على خدّينك الحِيْره والفَجْر لى من لمَح وجْهِك صَرَخ : فَجْري والناس تحتاج في طَلَّتْك تصبيره يترنّم الليل في شعْرِك وما تدري والبَدْر من حَرّته فَكَّكْ أزاريره لو ان حبّك دروب أشواك . . من بَدْري عَلّقْت خطوات قلبي في مشاويره لى من لمَسْتي غصون الشوق في صَدْرى تغار من لمسة ايدينك عصَافيره ! لو تسأليني : من انتي؟. . قِلْت : ما أدري ؟ ما تسمعي في ضلوعي صوت تكبيره؟! طَبْع البداوه مَعَ أسلوبك العصري خَلَّى الزمن يحْسِبْك أغْرَبْ أساطيره سَلَّمْت لك في دروب العاشقين أمْرِي بِيْدينك امْر الغرام وْكِل تدبيره بِعْيونك البَحْر يا حَظّي أنا بْبَحْري خَلّيني أغْرقْ بها وِنْفِضِّها سِيْره المصدر: اقرأ أيضا::
المصدر: منتدي صور حب rwhd] hauhv hs',vm hguar |
الكلمات الدليلية (Tags) |
اسطورة, العشق |
| |