#1
| |||
| |||
قصيدة رساله إلى ( يزيد ) الشعر في الأاء والوالدين ... غير استمتعوا بقراءة هذا النص الشعري الفاخر للشاعر // مشعل الفوازي موفقين . (يزيد) يا نور عيني في دروب الظلام لاحتاجت دروبي لوجهٍ صدوقٍ منير . يالطاهر اللي ما يشبه غير طهر الغمام يالزاكي اللي ما يشبه غير فوح العبير . يالصاحب اللي يشد به الرجا والحزام على اعتبار الكلام الصادق المستنير : . ولدك لا من كبر خاوه بكل احترام وأنا خاويتك قبل وقتك وتوك صغير . لو كنت من كثرة الأصحاب وسط الزحام لكني أشوف مني فيك شي كثير . تعال يا بعد راسي وسط صدري كلام وفي العين دمعه لها بالقلب مجرى ومحير . متداعي الليلة وللحزن في احتدام ولا فيه غيرك بطهر البوح هذا جدير . تعبت من كثر ما الوّح بسرب الحمام للفرحة اللي ليا قربت منها تطير . تعبت من ضحكةٍ تقول حالي تمام لو كنت في قبضة الهمّ المسيطر أسير . تعبت وأنا ادفع الأصحاب نحو الامام وافرح بما حققوا وابقى البعيد - الاخير . تعبت والصدر موقع طايشات السهام اللي تعلم بها الأصحاب عقر البعير . ورغم التعب والتشظي واجتماع الالام نفس القناعات تمشي بي فس المسير . حتى على بعد خطوة شفت خمسين عام واجهتها محبط وخالي يدين وكسير . ما في يدي من حطام الأشياء الا الحطام بالله وش تجمع يدين العزيز - الفقير . يا صاحبي والتجارب مدرسة للانام ومن مرّته ما حفظ للدرس ما فيه خير . الناس تنظر لك إنك فوق ذروة سنام لا صرت لا طالبٍ حاجة ولا مستجير . ولا صرت بعيونهم شامخ وعالي مقام لا تحدك الحاجة وترخص مقام كبير . غناة نفسك عن اللي في يديهم وسام لو حاجتك تشبه لحاجة عيون الضرير . ويدٍ ما تمتد بالذلة ودرب الملام فراغها يرجح بحمل الذهب والحرير . ومن كان في داخله يعيش بأمن وسلام ما ينشد أهل المظاهر عن طويل وقصير . وش يفرق اللي تقلب فوق ريش النعام واللي يجمّع عظامه فوق كومة حصير . الفرق بوسادة تضمن لذيذ المنام لا صار ما تحت راسك غير راحة ضمير . تدري وش اكبر ما يثر في نفوس الكرام طيحة عظيم المبادئ عند شخص حقير . وتدري وش أكبر ما تطمح له نفوس اللئام جلب الذمم والضماير في المزاد المثير . ما عاد - يا بعد راسي وسط صدري كلام إلا قليل لقفله في فؤداي صرير . من دونه الشعر يا قف عند مسك الختام من شان ما تثقل حمولك وتوك صغير المصدر: اقرأ أيضا::
المصدر: منتدي صور حب rwd]m vshgi Ygn ( d.d] ) |
الكلمات الدليلية (Tags) |
رساله, يزيد |
أدوات الموضوع | |
انواع عرض الموضوع | |
| |