احدث اشعار ( سكر زيادة !! ) خاطرة شعرية

[حلا]

زيادة , خاطرة , شعرية

احدث اشعار ( سكر زيادة !! ) خاطرة شعرية

(خاطرة)

أقول :

ولفي عليك موالف ورود لخدود
جيت أمنحك على غرامي شهادة

لو غبت ما زودت من كربتي زود
ما عاد لي بحدود قلبي سيادة

اكتب لك الصفحات من طلح منضود
تحطه بصدرك زهور الريادة

جاني هواك وقادني يمكم قود
ما ادري مرادك يالغلا أو مراده

مابيك يوم تقول ذا الخل مفقود
نظمت نفسي شعر نظم القلادة

دامي على عنق المها ناعم العود
ماراح تفقد فوق صدرك وداده

هذا ولا تاخذ على الشعر منقود
حبيت شعرك صار دمي مداده

والله لولا شغلتي ما لها حدود
اني لخلي الشعر ينصاك عادة

يصبحك حرفي كما نفحة العود
والند والجوري و صندل وناده

يوصل لقلبك قبل ما يلمس جلود
يذوب في دمك كفرض العبادة

يهب هباته على ليل مشهود
يصب لك من موق عيني سعادة

يسري على همه من الود مضهود
يهدي دواوين الوله ماس شاده

شاعر خيال أتخيلك دوم موجود
وسدت أطيافي بدارك وسادة

عارف خيالك نت ماهو بموجود !!
وزاد بالخفاق كثر اجتهاده

أكتب حروفي من معاناة ياسعود
ما بيك تمدحني و لا بي اشادة

في حضرتك كل الشعر صار موجود
والقهوة تصبح فيك سكر زيادة !!

وسلامتكم يا الربع !!!!





المصدر:

اقرأ أيضا::

• احدث اشعار خاطرة انا جايلك , شعر للوطن

• احدث اشعار كوب قهوة , خاطرة مختلفه

• قصايد شعرية خاطرة كلام له معنى ، خاطرة جميله

• احدث اشعار خاطرة عن الام ، خاطرة فديت روحك

• ابيات شعرية خاطرة شعرية .. ( ما يقول الشعر غير انسان فاهم )

المصدر: منتدي صور حب

---

hp]e hauhv ( s;v .dh]m !! ) oh'vm auvdm oh'vm