#1
| |||
| |||
اروع قصائد التطرف في الحب . طُرفة جنون ..,.. : والتطرّف في الحُب / طُرفة جنون : والتطرّف في الحُب .. طُرفة جنون .. وأنا تطرّفت في الحُب .. وتطرّفت في ذاك الحزن والجنون ! استوحي من الذاكرة بعض الحياة !! وأختلي في وحدتي بلوني .. أكتبك وأشطبك أرسمك .. وأمحيك .. وأعرق من اجتهاد المزاج .. في تفاصيلك .. ! أفض الضجيج من هاك الملامح ! وأحيان أطرب لـِ الصخب في عيونك !! هي كلها ذكرى ورمـاد .. بقايا أنفاس .. وسـواد .. رحيل أخير .. في مأتم وداع ! يا لطيف .. والعمر سرداب وضياع !! أوله حبر يستنا قطار الورق ! وقبل يغرق راح يستنجد .. يصرخ في مداده الأخير .. ويرش وجه الورق بألوان الذكريات .. ينقش على الجرح .. أكبر وشم !! بحروف من دم .. متمردة متعودة أنها تعيش بصمت .. تحت وطأة عجز وجبروت شاعر .. حتى تموت بصمت .. في هاك الدهاليز .. وكفى بالموت اسماً .. لا يحتاج تفخيماً ولا تطريز !! وآهـ يا وحدتي الأخيرة بك ! أما أذبح حزني المتستفز .. أو يذبحني بتطرّفه بإحساسي ..! تدرين ليش ؟! كله هذا ليش ؟! وعشان أيش ؟ بس ؛ مجرد ؛ أني أبي أنسـاك !! ههههههه ضحكة مجلجلة قهقهة .. هستري يا ضحكتي واستفزي واسخري .. تهكمي بكل ما حولي من الأشياء .. حتى من شعري ورسمي ! كله هـ التعذيب .. لأجل أنسـاك ..! وشلون أنسى .. والعمر كله ماضي .. واقف على الماضي .. راضي ولا ما كنت راضي .. التاريخ يعيد نفسه كل الزمان ويفرض عليّ أني أعيشه مرتين !! إن صادفت الأرقام يوم الرحيل ! صحت وقلت آهـ من الوداع .. تشهق حـرتـي من تحت الأضلاع .. والمشكلة أبي أنساك .. لو نسيتك .. وشلون أعيش ..؟ اللي نسى الحمد وش يصلي به ؟ أنا معك .. في كهف من الزمان في عتمة الوجدان نعيش أطرف الأزمنة وأغرب الأوقات وأفكهـ الحواديت .. وأحاول أرويك .. أنقشك .. أشعرك أرسمك .. !! لكني ماني روائي .. أنا ضوضائي .. فوضائي .. مجرد شخص آخر خلف الزمان .. خلف الستارة .. يعيش بجنونه يصرخ .. وينتحب ولا من يسمع نحيبه ! حتى أنتِ يا حبيبة .. رجــائـي .. رجــائـي .. خلوني بوحدتي مع الناي .. يمكن يكون آخر الفوضى .. ويمكن مداي وتطرفي فـ حبك .. أعزفك لحنٍ حزين !! وأنا ماني موسيقار .. ولا بمخباتي نوتة وتذكار .. لكني أجـيـد التشمس تحت الأشجار ..! وبالذات إن غنى .. أفهم المعنى .. خلف ذاك الكهف .. يعزفني نخيل يدري أني مسافر .. لـِ الرحيل .. وأنا مسافر إليك .. وشلون وأنتِ موت ..؟ وشلون وإن غاب الصوت ؟! آهـ يا لغبائي .. وين أنت غايب يا ذكائي ..! ردني عن وفائي ..! خلني أهجر العتمة وأشوف النور .. أنا في زمن غير الزمن وعلى كوكب يشبه الأرض وما هو أرض .. وكأن النهاية المرة صارت فرض ! أي ضرب من الجنون اللي أقوله ! عن أي وفاء أدوّر .. وأدور .. من يلقى بوسط صحراء .. بعض بلوّر .. والنهاية .. أنا فيكِ متطرّف .. أنا فيك مجنون .. أنا فيك أول العشاق وآخرهم أكون .. بس بلوني .. بوحدتي .. وأنا فيك متوحد .. لأني ثائر الوجد والتطرّف في الحُب / طُرفة جنون .. أو غرابه !! اقرأ أيضا::
المصدر: منتدي صور حب hv,u rwhz] hgj'vt td hgpf > 'Evtm [k,k hgpf 'Evtm |
الكلمات الدليلية (Tags) |
التطرف, الحب, طُرفة, جنون |
| |