صور حب




منتدي صور حب
العودة   منتدي صور حب > الاقسام الاسرية > المطبخ - المطبخ الليبي - المطبخ الشامي

إضافة رد
LinkBack أدوات الموضوع انواع عرض الموضوع
  #1  
عضو جديد
 
تاريخ التسجيل: Mar 2021
المشاركات: 18,895
افتراضي من مطبخي طريقة أطباق جديدة طبق الفتوش السوري , مقادير عمل الفتوش السوري , الفتوش السوري بالخطوات , اكلات شعبية




من مطبخي طريقة أطباق جديدة طبق الفتوش السوري مقادير عمل الفتوش السوري الفتوش السوري بالخطوات اكلات شعبيةمن مطبخي طريقة أطباق جديدة طبق الفتوش السوري مقادير عمل الفتوش السوري الفتوش السوري بالخطوات اكلات شعبيةمن مطبخي طريقة أطباق جديدة طبق الفتوش السوري مقادير عمل الفتوش السوري الفتوش السوري بالخطوات اكلات شعبية












طريقة عمل سلطة الفتوش السوري بطعم خيالي و منظر شهي بالخطوات المصورة

كلنا أكيد منعرف الفتوش , و لكن أنا راح أعطيكن خلاصة تجربتي الطويلة بتحضير الفتوش , و كيف بحضره و بيطلع معي و بدون مبالغة , و لله الحمد و المنة , من أطيب ما يكون , و بشهادة كل يلي تذوقوه , و راح أعطيكن الطريقة , و أكيد مع الصور , و فيكن تحكموا بأنفسكن .

راح نبلش : بسم الله


المقادير :

كميات متساوية من كل من الخضار التالية :
بندورة , خس , بقدونس , خيار , جزر مبشور , ملفوف أخضر , بقلة ( رجلة أو فرفحينة ) , أوراق فجل ( إذا عندك فجل , قصي الأوراق كاملة بسواعدها و اغسليها جيدآ ) و أنا بحط فقط أوراق الفجل , ما بحط الفجل .

بصل : أخضر أو عادي
ملح , زيت زيتون , نعنع يابس ( أطيب من الأخضر , و أفضل لأن الأخضر بيسود بعد الفرم )

خبز مقطع مربعات و محمص بالفرن مع شوية زيت زيتون
للتحميض : خليط من دبس الرمان , خل التفاح بنسبة تلت لدبس الرمان , و تلتين لخل التفاح ( هالخليط طعمته جدآآآآآ لذيذة , و بتضفي عالفتوش طعمة خيالية ) .
و إذا ما عندك دبس الرمان , حطي فقط خل التفاح , و إذا ما تواجد حطي عصير ليمون .


و السر يلي راح قلكن عليه هلأ , و مو كل الناس بتعرفه , لتحصلي على فتوش طيب و مميز , هوي :
التوم , دقي شوية توم صغار , و حطيهن مع الفتوش ,. و بيطلع أطيب بكتير , جربو , و راح تدعولي على هالسر , ولكن بيضل وضع التوم اختياري ’ و كمان بيطلع الفتوش طيب .

افرمي الخضار , و اتقيدي بالمقادير المكتوبة , افرميها فرم وسط أقرب إلى الخشن ( متل الصور )




























بالنسبة للبقلة ( الرجلة أو الفرفحينة ), بترك الأوراق متل ما هيي , أنا ما بفرمه, (و راح تلاقي الصورة موجودة بأول رد مباشرة )

و هون أنا استخدمت , كل المقادير يلي ذكرتها ما عدا أوراق الفجل , ما كانت متوفرة , و للأمانة : البصل كان لازم أفرم أكتر من هيك و لكن أنا فرمت شوي وما حطيتن بالفتوش , لأن عندي أخ ما بياكل بصل , فبحطهن بصحن لحالهن جنب الفتوش

و بس تخلصي الفرم راح نجي عالتقليب ( مرحلة التقليب , لازم نعملها قبل الأكل مباشرة : بحيث نخلص التقليب , و فورآ ناخد الفتوش عالسفرة , و هلأ بقلكن ليش ) :

حطي زيت الزيتون بكمية مناسبة فوق الخضار , و حطي خليط الحامض , ( في ناس بيحطوا سماق , و لكن أنا ما بحط لوجود نوعين من الحامض ) , و إذا بدك تحطي التوم دوبي التوم المهروس مع الحامض أنا هون استخدمت فقط سن توم واحد , و إذا في حاجة رشة ماء صغيرة مشان نكتر مرقة الفتوش , لأن الخبز بعدين راح ييمتصها , رشي الملح , و النعنع اليابس , و قلبي جيدآ

و تذوقي , و إذا في داعي تحطي كمان ملح أو حامض , حطي , و ركزي الطعم , لتتأكدي إنه الطعم صار متل ما بتحبي ,




آخر شي حطي الخبز المحمص , و خلي كميته متناسبة مع كمية الخضار الموجودة بحيث ما حدا منهن يطغى عالتاني ( لا تحطيه قبل هيك : مشان ما يطرى , و يتشتش ) , و قلبي جيدآ , و تأكدي إنه كل الخبز اتشرب , الزيت و الحامض , و صبي الفتوش بالجاط , و فورآ عالسفرة


لازم هالخطوة , لأن الخبز المحمص إذا حطيتيه من أول التقليب , أو حضرتي الفتوش قبل الأكل بكتير : الخبز راح يطرى , و ساعتها بيخرب شكله و مذاقه , بينما بهالطريقة , الخبز بييتشرب الزيت و الحامض , و بيضل قاسي , و لمن بتاكليه , بتحسيه عم يقرمش بتمك .




و الحمد لله , كان طعمه جدآ جدآ جدآ طيب و لذيذ .
و بكرر مرة تانية , أنا عطيتكن خلاصة تجربتي , و تحضيرالفتوش , شغلة ذوق , و لا حدا يسألني عالفليفلة , و الفجل , أنا هيك بعمله و و الله بيطلع تحفة
شغلته بسيطة , جربوه , و خبروني بالنتيجة

بتمنى يكون هالفتوش عجبكن و نال رضاكن

و انتظروني قريبآ بإذن الله كمان بموضوع عن الفتوش الحلبي اللذيذ ,

و إلكن مني جميعآ مودتي , و أحلى جاط فتوووووووووووووش


اقرأ أيضا::


lk l'fod 'vdrm H'fhr []d]m 'fr hgtj,a hgs,vd < lrh]dv ulg fhgo',hj h;ghj aufdm



رد مع اقتباس
إضافة رد

الكلمات الدليلية (Tags)
الفتوش, السوري, مقادير, الفتوش, السوري, الفتوش, السوري, بالخطوات, اكلات, شعبية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


من مطبخي طريقة أطباق جديدة طبق الفتوش السوري , مقادير عمل الفتوش السوري , الفتوش السوري بالخطوات , اكلات شعبية

سياسةالخصوصية


الساعة الآن 02:28 AM


Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Content Relevant URLs by vBSEO