LinkBack | أدوات الموضوع | انواع عرض الموضوع |
#1
| |||
| |||
طريقة تحضير طبخات شهية برياني الدجاج على طريقة امهاتنا المقآديــر 4 كوب عيش ديآية كآملة [ ولو حبيتوا تزيدون عدد الديآي ع حسب اكواب العيش] 2 بصل متوسطة + 2 بصل كبآر فص او فصين ثوم حبة طمآط روب + زبآدي بهآرات البريآني [ من الجمعيّة ] كركم كمّوون 3 حبآت بطآطس متوسطة النضج 4 بيضآت مسلوقآت شوية زعفرآن مذوّبة بشوية مآي وطبعآ ملح مقآدير الروب فصين ثوم زعتر جآف او يآبس زبآدي علبتين او علبة خيآر مقطّع صغآر صغآر ملح الطريقة الخطوة الأولــى تقطعين الديآي مثل ما عوّدتكم امهآتكم عقب ما تقطعونه تغسلونه وتزيلون جميع الأوسآخ ييبي وعآء bowel وحطّي فيه الديّآي + كمون + بصل متوسطة وثوم مفرومين وعقب حطي الروب الين ما يغمر الديآي وبآقي المكونآت وحركي عسب تمتزج ويعطيج ريحة تدوّخ ييبي بصلة متوسطة وقطعيهآ نص حلقآت واقليهآ الين ما تحمّر من الخآطر 3 بطآطس حطيهم فوق النآر وخليهم يكونوا متوسطي النضج وعقب قطعيهآ انصآف ثم اقليهآ لين ما تحمّر تحميرة خفيفة الخطوة الثانية قطعي البصلتين الكبآر صغآر صغآر . في جدر حطّي زيت غزير ، وحطي البصل المقطّع + قرفة + ورق غآر والنآر تكون هآدية قلبي البصل كل شوي لين ما يحمّر . حطي الكركم وقلبي . عقب ما يحمّر قطعي الطمآط تقطيعة متوسطة وحطيه في الجدر ، وع طول حطي الديّآي مع الروب اللي فيه وعقب حطّي بهآرآت البريآني ، وغطّي الجدر لين ما ينجح الديآي قبل ما ينجح حطّي الملح بتعرفون انه نجح اذا دخّلتوا سكينه في الديآي وطلع بكل سهولة . الخطوة الثآلثــــة في جدر عوود امليــه مآي وحطّي 3 أعواد قرفة وملح عقب ما يفور ويغلي حطّي العيش ولا تحركينه [ لانه العيش عقب بيتكسّر] تقريبا خليه 5 دقايق لان نحن مانبي العيش يكون نآضج ع الاقل شبه نآضج وعقب اخليه في المشخل . الخطوة الرآبعـــة في نفس جدر اللي فوّرتي منه العيش .. ييبي جدر الديآي اللي ذكرته في الخطوة الثآلثة حطي الديآي كله في الجدر الثاني وحطّي بيضتين عقب ييبي المشخل اللي فيه العيش وحطي ربع العيش فوق الديآي عقب حطّي الصالونة اللي تكونت من الروب فوق العيش وييبي المآي اللي ذوّبتي فيه الزعفرآن ووزعيه ع العيش فوق الصآلونة وعقب ييبي البصل اللي حمرتيه ووزعيه فوقه مثل الصوور وطبعآ كملي العيش البآقي وحطيه فوقه وييبي مآي تقريبا كوب وكبيه في جدر الديآي بحيث يعطيج نكهة الديآي والبهآرآت وحطيه فوق العيش .. وييبي المنيوم وغطّي الجدر وحطّيه فوق النآر لمدة نص ساعة او اكثر ع حسب ما ينجح العيش .. ع بآل ما ينجح العيش سوّي الروب العجيب اللي ينآسب كل أنوآع البريآني ييبي وعآء صغير وافرمي الثوم وحطي الزعتر الجآف وحطي الزبآدي وعقب الخيآر وقلبي فيه وهذآ الشكل النهآئي للبريآني مع الروب بجد يميي طعمه ماشاء الله عليهآ امي بريآنهآ شي [ ع فكرة انا ما نزّلت الموضوع إلا عسب خآطر ربيعة اختي اللي تبي الطريقة ، وقالت يوم تنزلينهآ خبريني ، عآد لازم تتشكّرونهآ ، لولاهآ جآن الكسل مآ خآز عني ونزّلت الموضوع خخخ] اقرأ أيضا::
المصدر: منتدي صور حب 'vdrm jpqdv 'fohj aidm fvdhkd hg][h[ ugn hlihjkh hg][h[ |
الكلمات الدليلية (Tags) |
برياني, الدجاج, طريقة, امهاتنا |
أدوات الموضوع | |
انواع عرض الموضوع | |
| |