| |||||||
 |
| LinkBack | أدوات الموضوع | انواع عرض الموضوع |
|
#1
| |||
| |||
 نصيحة مهمة تغذية الطفل بعمر سنتين | كيفيه تغذية الطفل بعمر سنتين | ملف لتغذية الطفل بعمر سنتين                                 في كثير من الامهات اكل ابنائها يقتصر على وجبات الفطور و الغداء و العشاء اما بينهم فاغلبها ان ما كان كلها شيبسات و بساكيت و شوكولا و الذي منه!! لحظه عزيزتي’’’ باوجه لك سؤال : تتوقعين انه هالغذاء كافي و مناسب لابنائك؟ ان قلت لا فتمام عليكي كويس انك عارفه ... و ان قلت لا فوالله انها مشكله!!! و لو لاحظنا كمان ايش تحتوي وجباتنا نلاقي انها تقتصر على النشويات و السكريات و البيض و الجبن فقط و اغلب الاطفال ما يشربون حليب و اذا شربوا ما شربوا الا الحليب البودره!!! الغذاء هذا كويس و حلو و كل الاطفال يحتاجونه و لكنه ناقص!! ايش ناقص ياترى؟ ذلحين نشوف اول شي ناقص الفاكهه و كلنا عارفين انها مهمه و ضروريه جدا للكبار قبل الصغار لا تجي وحده تقول عيالي ما يحبون لا البرتقال و لا التفاح و لا الموز!!! هي بس هذي الفاكهه؟ عندك مانجو ,, جوافه,, كمثرى,, يوسف افندي,, بطيخ,, شمام,,, كيوي ,, فراوله,, توت و غيرها كثييييييير نصيحه مني حطي لهم صحن بالعصريه قطعي في فاكهه مشكله حبه من كل نوع و وزعيها و بإذن الله بياكلونها ثاني شي ناقص مكسرات !!! احنا كثير مهملينها بينما هي مفيييييييده جدا لكن باعتدال لانه فيها دهون عاليه حطي لهم بين يوم و يوم تشكيله منها زبيب ,,, فستق ,,, كاجو,,, بندق,,, عين الجمل حمص ,, في كثير انتي و مزاجك و ذوق ابنائك... ثالث شي ناقص الخضار النيئه,,, احنا نحطها عالسفره لكن اغلب الاطفال ما ياكلوها وقت الوجبه الرئيسيه لانهم يكونوا جيعانين و يبدأوا بالوجبه الرئيسيه و يكتفوا بها فحاولي انك تخرجين لهم منها في اي وقت غير الوجبه بس لا تخلينها كل يوم.. رابع شي ناقص اهممممممممممممم حاجه الحليب و ما ادراك ما الحليب لحد يقولي اعطيهم حليب بودره كثير من الاطباء و الاختصاصين يقولون انه ناقص اغلب ان ما كان كل فوائد الحليب و غني بالدسم فقط (دهن بس عشان كذا اللي يشربه كثير من الاطفال يسمن لكن ايش فائدة السمنه بدون صحه!!) ما يحبه رغبيه في اشربي معاه اعطيه حليب بطعم الفاكهه و بين مره و مره دخلي الطازج لما يتقبله و خلي عندك صبر و طولة بال و بإذن الله بيجي اليوم اللي يطلبه هو ,,, مررررررررررررررره مره ما اتقبل استبدليه باللبن او باللبن الزبادي المهم لازم كل يوم يشرب لبن او حليب او ياكل لبن زبادي .... طيب حبيباتي اللحين بانتقل لنقطه ثانيه اللي هي عودي اطفالك على نظام غذائي معين عوديهم على عادات غذائيه سليمه عشان اذا كبروا يدعون لك بالخير اول حاجه كثير من الاطفال اذا صحي ما يحب يفطر ,, اوكيه لا تجبرينه بس انتبهي انك تسمحين له ياكل شي لا يغني و لا يسمن من جوع اعطيه حليب او عصير طازج فقط لما بعد ساعه ساعتين اعطيه فطوره.. ثاني شي لاحظتي طفلك ما يحب ياكل نوع معين من الاكل ما يحبه رجاااااااااء حار لا تجبرينه رغبيه فيه عن طريق تقديمه اكله الحمدلله يارب ما اكله خليه براحته لأنك لو اجبرتيه بيزيد يكرهه اكثر و هنا باضرب لكم مثال بنتي كانت مستحيييييييييييييييييل تحط البيض بفمها صرت احطه عالسفره بس ما تاكله بكل الطرق ماااااااااا تاكله لما مره سويت زي القرص و دهنته بجبنه سائله لانها تحبها و لفيتها رول و قطعته و مشيت عليها و اكلته ثالث شي : لاحظتي طفلك يقبل بشكل كبير عالحلويات و الشيبسات و الذي منه عالجي المشكله بإنك تخلين اكله مشروط مثلا تبغى شيبس اوكي بس اول كل هالفاكهه (كميه معقوله يعني مو تملي الصحن) او اشرب هذا اللبن زي كذا المهم حاجه مفيده وتشبعه ان كان جيعان.... رابع شي حاااااااااااولي جاهده انك تخلين لهم كل يوم قطعه وحده فقط عوديهم مع الايام بيتعودوا بس اصبرررررررررري يعني مثلا كل يوم 1عصير 1شيبس 1شوكولا مااااااااافي غيرها تبغى تاكلها اللحين براحتك بس لو اخذوا اخوانك بعدين لا تطلبني انت قد اخذت تبع اليوم خلاص و خليكي عند كلمتك.. خامسا : ما يمنع انه ايام بين فتررررررره و فتره تخلينها فري ياخذون اللي يبغونه و ياكلون براحتهم و قولي لهم اليوم انا سامحه لكم باللي تبغون... سادسا : برضو ايام اسمحي لهم يفطرون شوكولا بس خليها نادرا لانه حتى احنا الكبار نشتهي نفطر عليها.. ملاحظه : انا ما تطرقت للوجبات الرئيسيه لاني عارفتكم ما تقصرون على ابنائكم ركزت على ما بين الوجبات اقرأ أيضا::
المصدر: منتدي صور حب kwdpm lilm jy`dm hg'tg fulv skjdk | ;dtdi lgt gjy`dm  |
|
| الكلمات الدليلية (Tags) |
| تغذية, الطفل, بعمر, سنتين, كيفيه, تغذية, الطفل, بعمر, سنتين, لتغذية, الطفل, بعمر, سنتين |
| |
العرض العادي
