#1
| |||
| |||
اجمد قصيدة مشـكلـة مـشــكـلـــة للشاعر المرحوم أبي ضاري ( سالم خالص ) إعداد و تقديم : د . عدنان جواد الطعمة مـشــكـلـــة گلبك او گلبي . . يولفي . . مثل طفلين ابمهد أبد ما نعرف قصدهم لا وحگ عينك أبد تبتعد . . و يظل خيالك : يعصر اعيوني عصر او حین تسعدني ابوصالك ؟ . . ما يظل عندي فكر أنسه آنه ابيا دقيقه . . ابيا مكان . . ابيا عصر ولفي . . خلي لي ثواني . . او أخذ من عندي العمر بشوفتك : أگضي عمرهن و احمس الروح بجمرهن أحلى من العسل مرهن بلچي گلبي ابهل بثواني ؟ . . ينام يم گلبك رغد ؟ گلبك او گلبي . . يولفي . . مثل طفلين ابمهد * * * گلبي من تـگعد اگبالي ؟ . . على ضلوعي ينسمر مدري رهبه امن المحبه . . مدري خوف امن الهجر نظرة اعيونك يولفي . . عالوفه تؤمر أمر او دنيتي او روحي العزيزه . . اتروح إلك فدوه او نذر يا ألذ امن السعاده إلك كل گلبي او وداده إيحبك الحد العباده وانت مذهب للمحبّـه . . والـگلب بيك اعتقد گلبك او گلبي . . يولفي . . مثل طفلين ابمهد * * * انت مذهب للعواطف . . إلك دلالي بشير مذهب : إحساس او مشاعر بي ربط گلبي المصير او من كثر ما گلبي حبك ؟ صرت من گلبي أغير بالدمع أسـگي ورودك . . . واجمع الشوك ابحرير حتى شوك الحب أعبده او على ارموش العين أوسده گلبي ؟ . . ما أگلك إسعده هالـگلب : حتى ابعذابك . . انظره ابعين الحسد گلبك او گلبي . . يولفي . . مثل طفلين ابمهد * * * مخلص او من نار حبك ؟ لا تظن أطلع عنيد للوفه او لهل المحبه . . طلـّعت مذهب جديد ألمح ابعينك . وجودي ، او حاضري ، او دربي البعيد او رغم ألوان المآسي . . عايش ابحبك سعيد ليش تغضب من سكوتي ؟ او أكثر ايزعّـلك صوتي ؟ إنچان . . مستعجل ابموتي ؟ ليش ساكت يا عزيزي ؟ . . گول موت إشظل بعد ؟ گلبك او گلبي . . يولفي . . مثل طفلين ابمهد أبد ما نعرف قصدهم لا وحگ عينك أبد شرح بعض مفردات القصيدة گلبك او گلبي = قلبك و قلبي لا وحـگ عینك = لا وحق عينيك ، أقسم بعينيك او حين = و عندما ، وعند أنسه آنه = أنسى أنا ابيا دقيقه = بأي دقيقة أگضي = أقضي بلـچن = لعل ، عسی یم = عند ، بجانب ، لدى يولفي = يا صاحبي ، يا حبيبي تـگعد = تجلس ، تقعد اگبالي = أمامي امن المحبه = من المحبة امن الهجر = من الهجر عالوفه = على الوفاء او دنيتي = و دنيتي ، و حياتي إلك دلالي = لك قلبي أغير = أغار اسگي = أسقي ابحرير = بحرير شوك = شوك ، أشواك ما أگلك = لا أقول لك أوسده = أضعه لينام ، أنيّمه هالـگلب = هذا القلب او لهل المحبة = و لأهل المحبة إنـچان = إن كان ، إذا كان گول = قل اشظل بعد ؟ = ماذا بقي بعد ، ماذا تبقى ألمانيا في 19 / 8 / 2007 اقرأ أيضا::
المصدر: منتدي صور حب h[l] rwd]m laJ;gJm |
الكلمات الدليلية (Tags) |
مشـكلـة |
| |