LinkBack | أدوات الموضوع | انواع عرض الموضوع |
#1
| |||
| |||
وصفة في طبق استيك وايت روعة ، استيك اللحم والمشورم مساء الخير يا أحلى أعضاء مبارح عملت ستيك اللحم و طلع كتييييييييييييير لزيز كالعادة هههههههههه جد و بتمنى يعجبكم الطبق ( بصراحة عملته على طريقة ماما ) المقادير : 1 - شرحات لحم نتبلها بشوية ملح و فلفل أسود + رشة كمون + رشة كزبرة ناشفة و ننقعها بشوية خل و شرائح بصل و ثوم مدة ساعتين 2 - جزر مقطع مكعبات ( أنا قليته بالزبدة ) 3 - فطر .... كمان مقلي شوي بالزبدة 4 - بصل مقطع متل الصورة يعني مو مفروم + مكعب ماجي 5 - حوالي 3 ملاعق دقيق + قطعة زبدة 6 - صويا صوص ( حسب الرغبة ) يعني حوالي 3 ملاعق + كمون + كزبرة ناشفة 7 - بطاطا بوريه و هاي طبعاً اختيارية يعني ممكن الإستغناء عنها هيي عبارة عن : حبة بطاطا مسلوقة . نطحنها أو نهرسها مع ملعقة زبدة سائلة + ملعقتين حليب + رشة ملح + رشة فلفل .. و ممكن نستخدم قالب الكريمة لو حبينا نزين الطبق فيها الطريقة : 1 - نحمر البصل مع الزبدة و نضيف الشرحات المتبلة سابقاً و نقلبهم على نار هادئة 2 - نحط الدقيق بمقلاية و و نحركه بسرعة لحدما يتغير لونه و يصير بني فاتح و نضيفه للستيك و البصل 3 - ندوب مكعب الماجي بكاسة مي و نضيفها للستيك و نحرك باستمرار عشان نمنع تكتل الدقيق و نضيف الكمون و الكزبرة الناشفة و الصويا . نغطي الطنجرة و نستنى لحد ما تنضج يعني حوالي نص ساعة أو أكتر شوي 4 - هيك بكون الطبق خلص نزين الطبق بالخس و كمان بالجزر و الفطر اللي قليناهم بالزبدة و نضيف بطاطا بوريه و نصب الصوص المتبقي على قطع الستيك و الجزر 5 - ممكن نعمل معها رز بدون شعيرية أنا عملت طبقين تخيلو !!!!!!!!!!! واحد مع الرز و التاني بدون رز شوفو الطبق مع الرز شو رأيكم بطبخي ؟؟ بستنى ردودكم و تشجيعكم عشان بفضل تشجيعكم الدائم لئلي أنا تحمست اقرأ أيضا::
المصدر: منتدي صور حب ,wtm td 'fr hsjd; ,hdj v,um K hggpl ,hgla,vl ,hdj v,um hsjd; |
الكلمات الدليلية (Tags) |
استيك, وايت, روعة, استيك, اللحم, والمشورم |
| |