| |||||||
 |
| LinkBack | أدوات الموضوع | انواع عرض الموضوع |
|
#1
| |||
| |||
 نصائح مهمة قصة ولادة مستشـاره:لـم أرضى بالمكتـوب فتعسـرت ولادتـي بصور المحروس                                 كيف حالكـــــم صبايا أن شـــــاء الله بخير.. اليوم بأحكي لكم قصة مستشاره وهي في مستشفى المجانين .. قصدي مستشفى الولاده نهاية الشهـــــــر الثامن _قبل الجنــــــــــــون البشــــــري _ طبعا أنا موظفه في مستشفى حكومي و متخصصه في قسم النساء و الولاده يعني ينقال لي خبره وأرى من الولاداة والقصص المرعبه ما لا ترون .. في أخر كشف لي قبل يوم ولادتي قالت الدكتوره مافي مويه حول الطفل وهذا خطر عليه وانت مريضة ضغط (لان في الشهر الثالث من حملي جاني ضغط) قلت خير ان شاء الله بس أنا الان على رأس الدوام << ما أدري وش صار لي تقولي حالتي حرجه أقولها دوام المهم قمت ورحت قسمي أبكي وأخذت أغراضي وأستأذنت ورجعت للبيت ورجع زوجي من دوامه وخبرته وخبرت أمي وصديقاتي (الكل يقول أستسلمي وسلمي نفسك وكأني مجرمه والمستشفى الشرطه) اليوم الثاني بعدما تنظفت ولميت أغراضي وصلني زوجــــــ ـــــــــي وسلمت نفسي لدكتوره اللي متابعه معها في المستشفى وقالت الدكتوره عمليه قلت لا لا لا مستحيل عمليه اعطيني فرصه أنا بكريه حرام يصير ولادتي بطريقه هذي سوي لي أي شي بس أولد طبيعي أرجوك فهمتني أنه ماينع والضغط ومويه الطفل و و و و _يابنتي أأمني بقدر الله رفضت أبغى ولاده طبيعيه قالت خلاص لاني في المجال هذا و هي صديقتي وزميلتي فقالت بأعطيك طلق صناعي قلت مو مشكله (للأسف حقدت على نفسي بعدها ليتني ما فتحت فمي وقلت ولاده طبيعي ااااااااااه يارب) وتنومت في جناح خاص وجت كشفت وأعطتني بروستين (طلق صناعي تحميله) المهم ما حسيت بشئ وأسولف مع أهلي في الجوال لان أمي تبي تجي المهم بعد أربع ساعات وتكشف واعطتني تحميله وراحت وصار عندي مغص زي الدوره خفيف عادي جت أمي وسلمت علي ومعها شنطت سفر فيها أغراضها وكأنها تبي تسكن في المستشفى الله يهديها ملابس وأغراض الحمام وأمشاط وجزمتين وعطور وفلوس والله أني ضحكت يابنات لاتشرهون عليها أول مره يصير معها الشي هذا ولاتعرف وش تاخذ أو وش تحتاج قلت لها ليش كل هذا مايحتاج كلها يومين وخلاص والله حتى عبايه أحتياطيه جابتها ههههههههه يارب أنا في ايش ولا في أيش؟ المهم جت الدكتوره وكشفت وأعطتني تحميله ثالثه وقالت تمشي بعد نص ساعه قلت اوكي ويلاتمشي انت وأمك المسافره فريت كل الاقسام وكل ما يشوفني أحد يسلم علي وعلى أمي ويلا فر فر فر فر المهم انتهى وقت الدوام الرسمي وراحوا صديقاتي لبيوتهم ورجعوا وقت الزياره ومعه شنطات لرحلات قلت وش فيكم وش سالفت الشنط اليوم سلامات موضه وانا ما أدري قالوا لا تعالي هذي أغراض خاصه للولاده كلهم عندهم أطفال 2 و3 ماشاء الله وأنا مالي خبره وما خلوا شي الاجابوه رطب (تمر) وقرفه وخروع وأعشاب سوها بخور تحتي والله يابنات اللي يشوفهم يقول مشعوذات هم 3 وحده قاعده تغلي القرفه و وحده حطت البخور تحتي وأنا واقفه تقول أنها تساعد على فتح الرحم والثالثه مره ألاقيها على يميني ومره على يساري تدعي وتقرأ القران وترتل بعد وش السالفه أنا زي الأطرش في الزفه وأمي مشغوله في أغراض شنطتها والممرضات يشوفون دخان طالع من الغرفه يحسبون في حريقه أصلا هم مستغربين من الشنط والحين الدخان وجوا الممرضات يركضون فتحت لهم اللي تسوي القرفه وما خلتهم يدخلون من الباب قالت لهم ان كل شي على مايرام وزاااااااااااد الالم عندي مررررررررررررررررره فجأه مو تدريجيا المهم جت الدكتوره وكشفت وأعطتني تحميله طلق صناعي وراحت ويلا كملنا الأستنزال والشعوذه وبعد ساعتين أخرى جت الدكتوره وكشفت وأعطتني تحميله وراحت ويلا كملنا الامور والطقوس اللي نمارسها وأنا في النص وصديقاتي مثل الهنود الحمر يدورون حولي بطقوس حقتهم ومافي شي الا شربته ولا تمر الا أكلته ولابخور وأعشاب الاتبخرت فيها ولا سيب في المستشفى الامشيته ولاتحميله الافغصتها الدكتوره فيني المهم وصلنا 7 تحاميل وراحت 18 ساعه طلق مؤلم قوي والله ثم والله ثم والله أن عمري ماشفت مثل الألم هذا في حياتي ياشيخه موووووووووووت ورجفه وعرق وبكاء ونياح طبعا قبل ساعة الصفر صديقاتي راحوا بيوتهم لأبنائهم بعد ما لعبوا فيني ومارسوا كل الخبرات وما بقى الا أمي وشنطتها و زوجي وأخي تحت في الأنتظار لان أنتهت وقت الزياره وأنا أبكي وأقول لأمي متى يروح الألم هذا وجت الدكتوره وأنا خلااااااص والله أني اللطم في نفسي بدون شعور كشفت وقالت أهدي قلت أنا بأموت ما أقدر اللي يشوفني يقول تتعاطى هروين ولا كوكائين والله المهم قالت بننقلها غرفة الولاده وأمي تبكي وتخيلوا المصيييييييييبه وش هي والله لو أقولكم ماتصدقون بس هذا اللي صار . . . 7 تحاميل طلق صناعي وغير الابر اللي في المغذي كذلك طلق صناعي وطقوس الولاده الشعبيه والمشي في الاسياب وتجديد التعارف مع الزملاء مافي ركن الا مشيت فيه و 18 ساعه طللللللق حااااار مووووووووت يعني أكثر من نص يوم وانا بأموت كلللللللللللللل هذا فقط انفتح الرحم 2 ونص وأمي من كثر الألم اللي فيني والله يابنات أنها رابطه شال على بطنها لأنه صار يوجعها وتبكي (الله يسامحني عذبتها) المهم من قوى الألم وأنا منتقله من قسم التنويم الى غرفة الولاده رفضت أن ينقلوني في السرير أو الكرسي المتحرك رحت على رجولي بدون حجاب ولا جزمات ولا شي تخيلوا يابنات نسيت نفسي وأنا كنت ذو هيبه عند العرب لأن خلااااص الألم فوق طاقتي المهم وصلت لسرير الانتظار في غرفة الولاده وما قدرت أرتاح كثيرة الحركه و الصراخ وأخر شي صرت أبي أوقف فوق السرير ويمسكوني الممرضات ويقولون وين رايحه بسم الله عليك والله يابنات اني ما أدري ليه كنت أبي أوقف فوق السرير تخيلوا الموقف و أشتد الألم الى درجه لا أستطيع التنفس وأرتفع الضغط الى 200 وكل ماله يرتفع وأنا فقدت أعصابي وصرت مجنونه والله العظيم قطعت شعري وعضيت يد الممرضه انقلبت وحش مفترس وصفقت عاملة النظافه اللي كنت أعطيها فطور الله يكتب أجره ورفست الدكتوره وقطعت سلك جهاز التخطيط وكسرت نظارة أحدى زميلاتي الممرضات وطاحت مخدة السرير و تزلزل المستشفى وتعسرت كل ولادات الحريم اللي في غرفة الانتظار بسبب الي شافوه مني ودب الرعب في قلوبهم وكنت أسبب نفسي لأني قلت أبي ولاده طبيعي ولحضة الموت (لاتخافون باقي حيه وهذا أنا أرسل لكم ) المهم حسيت وسمعت صوت الكيس أنفجر وطلع المويه ومعاه الله يعزكم براز الطفل تبرز داخلي (على باله في الحمام) والله حاله والرحم مفتوح 3 سم بس وش المصيبه هذي يارب أرحمني أنك غفور رحوم وشفتم الألم اللي كنت أواجهه وأنجنيت وأنقلبت مفترسه على الأوادم تدبل تدبل عشرة أضعاف بعد خروج موية الطفل والله على ما أقول شهيد وأرتفع الضغط زياده وأنا كنت اتخبط وأصرخ المهم خلاص ما عاد تحركت هديت مرررره وانسدحت على ظهري بدل السامري اللي رقصته يمين وشمال وخليت الافتراس والصراخ وأذية الناس وسمعت طوووووووووووووووو في أذني والرؤيه صارت خافته الى أن أصبحت أسود كاتم بس أسمع الدكتوره والممرضه وهم يصفقون خدودي يمين وشمال لا لا مايصلح كذا قومي قومي بيبي موت بيبي موت مافي أكسجين والدكتوره تصرخ على الممرضات جيبو أكسجين أتصلوا على الاستشاري وبعدها ما سمعتهم مت وأنا ما نطقت الشهاده مت وأمي كانت تبكي من الألم اللي كانت حاسه فيه بسببي مت وأنا ماشفت طفلي اللي ما أدري هل هو حي أو مات بسبب رفضي للعمليه مت والله يابنات موتى صغرى لا أنسى كل ما حدث لي أبدا بأدق تفاصيله (توقفت مستشاره عن الكتابه وبدأت بالبكاء) أعذروني لأمسح دموعي أتقلبت علي المواجع لأني تعذبت وتعسرت ولادتي بشكل ماكنت أتوقعه . . . نكمل>> أقسم لكم أبكي لما عانيته ولله الحمد ورفضي لقدر الله ان حالتي لازم عمليه وكنت أحاول أنسى ولا أذكر شي الا أني أنجبرت الان لذكر ولادتي ألمتعسره المهم عزيزاتي صحيت من الأغماء وأنا على سرير العمليات وهم يعقمون بطني ورجع الم الموت وكنت أصرخ على فني التخدير رجال تقريبا 45 سنه أردني الجنسيه يقف بجانب سرير العمليات أقوله أعطني مخدر بسرعه قال انتظري الدكتوره تدخل الااااان واعطيك لأن طبيا ماينفع أتخدر فتره طويله الجنين يموت .... تدرون وش سويت لفني التخدير الأردني مسكت يده وحبيتها وقلت له أرحمني الله يرحمك عطني مخدر والله أنصدم الرجال وقال طيب طيب يابنتي وأعطاني المخدر ولا دريت بنفسي الا وأنا على سرير غرفتي في قسم التنويم تم توليدي قيصريه الولاده اللي كنت رافضتها النصيحه اللي من الدكتوره على طبق من ذهب ورفضتها الولاده اللي كانت من صالح طفلي وصحته الولاده اللي كانت بتمنع كل الألم الفضيع المبرح اللي تعرضت له ولادة القيصريه نهاية المطاف....الحمدلله لا أعتراض على حكم الله وهذا كان درس لي عشان ما اعترض على المكتوب و زوجي أهلي حولي يقولون لي مبروك ولا أرى علامات الفرحه الصادقه في أعينهم سألت أمي وين المولد قالت حبيبتي أهدي اللحين وخليك في نفسك قلت مات صح قالت لا الحمد لله باسم الله عليه فيه حي لاتخافين بس تعبان في العنايه المركزه قلت لهم ليش قالوا أنه اتولد ما يتنفس ودقات قلبه مو منتظمه وشارب مويه والبراز وما يرضع حاطين له لي من انفه و وزنه 2 كيلو فقط وراحت أمي و زوجي للعنايه وتطمنوا عليه وصوروه وجوا وهم يضحكون يقولون هذا الحرب اللي صار واخر شي الصغييييير هذا يا حليله ويوروني الصوره وحبيت صورته في الجوال والحمدلله طلعت من المستشفى بعد تسع أيام أنا وطفلي وكلنا في صحه جيده وحالتنا مستقره وتذكرت شنطت أمي حقت السفر وانها كانت في وقتها لأني تنومت 9 ايام واحتاجت الاغراض كلها اسفه على الاطاله وتقبلو كل حبي وتقديري (مستشاره) الحمدلله فزت بالمركز الأول وهذا بفضل ربي ثم كل من قيم وصوت لي وألف مبرووك لأخواتي الفايزات وعقبال الجميع اقرأ أيضا::
المصدر: منتدي صور حب kwhzp lilm rwm ,gh]m lsjaJhvi:gJl Hvqn fhgl;jJ,f tjusJvj ,gh]jJd fw,v hglpv,s lsjaJhvi:gJl Hvqn fhgl;jJ,f tjusJvj ,gh]jJd fw,v  |
|
| الكلمات الدليلية (Tags) |
| ولادة, مستشـاره:لـم, أرضى, بالمكتـوب, فتعسـرت, ولادتـي, بصور, المحروس |
| أدوات الموضوع | |
| انواع عرض الموضوع | |
| |
العرض العادي
