LinkBack | أدوات الموضوع | انواع عرض الموضوع |
#1
| |||
| |||
الكلماري المحشي , كلماري محشي على الطريقة الليبية بالصور الكلماري المحشي , كلماري محشي على الطريقة الليبية بالصور بسم الله أولا المقادير : ( تقريبيه) وعينكم ميزانكم يا بنات قطع كلمار ممكن 8 تكفي لهالحشوه أو أكثر حسب حجمه ..... شوية جمبري منظف ومفروم لو ممكن ولو مش موجود مش مشكله . 4 ربطات معدنوس .. 1 ربطه حبق .. 1 ربطه شبت .. 2 ربطه كسبر .. ربطه صغيره ثوم أخضر يعني بأوراقه " حوالي 6 رؤس ثوم بأوراقه " ولو ما توفرش استخدمو بدله 4 رؤس كرات بأوراقه مفروم ناعم ...... وكل الخضره اللي ذكرتها تنغسل وتتوازى" تتنقى " وتنفرم ناعم 1.5 طاسه ونص "كوب كبير " رز " نستخدمو في الرز المكركب حبه قصيره وإنتوا إستخدمو الموجود عندكم " حبتين بطاطا متوسطات مقطعات مكعبات صغيره التوابل : 3 م ك معجون طماطم .. م ك فلفل أحمر حارأو أقل للي ما يحبش الحار .. نص م ص بزار " كركم" .. ثلث طاسه "كوب"زيت نباتي أو زيتون .. نص م ص كسبر جاف مرحي " حلو الكسبر في الحوت يا بنات "السمك" ".؟ نص م ك ملح أو حسب الكميه . للي بيضيف فلفل أبيض أو أي بهار يتناسب مع السمك مش مشكله بس شوي شوي واللي تحب تقلل م طماطم معجون وتزيد 4 حبات طماطم أخضر عادي براحتها 10 فصوص ثومه مدقوقه أو معصوره ( ما تقولوش هلبا "كثير " روعه طعم الثوم مع السمك و بهالأكله مش حايكون مبين أبدا ) ونضيفوا عليهم .. م ص فلفل أسود ... نص م ك كمون حوت "سمك" ونهرسهم مع بعض ونخلوهم علي جنب .. الطريقه : نظفوا الكلمار كويس كويس من القشره البنيه اللي عليه وفيه زي المثلثات من الجوانب نفصلوهم عليه ونخلوهم على جنب لأننا حانفرموهم في الحشوه وأيضا السوالف الطويله اللي فيه لو حبيتو تنظفوها وتفرموها فيه مش مشكله بس تنظيفها متعب .. وهادي صورته بعد تنظيفه: Uploaded with ImageShack.us نغسل الخضره ونفرمها ونفرم معاها الثوم الأخضر أو الكرات بعد غسله ونحطوهم في صونيه " طبق كبير شوي " نغسل الرز ونصفيه لحد ما يجف بعدين نحطه على الخضره نحط التوابل كلها عليها والزيت ونحركهم كويس الثوم المدقوق مع الفلفل الأسود و الكمون نحطوه على زوائد الكلمار المفرومه مع الجمبري المفروم وهالخطوه نسيت ما صورتهاش اعذروني ... ونخليهم يتبلو شويه وبعدين نحطوهم على الخضره والرز وهذا شكلهم بعد الخلط بعدها نحشي الكلمار بالحشوه بس مش لا النهايه نخلي مكان للرز يزيد حجمه وهذا شكله بعد الحشي نستفوه في الكسكاس ونبوخوه على ميه تغلي ونغطوه لحد ما يطيب "يستوي" ما ياخدش وقت ممكن 40 دقيقه أو أكثر شوي وأول ما يطيب الرز يكون طاب وهذا شكله النهائي اقرأ أيضا::
المصدر: منتدي صور حب hg;glhvd hglpad < ;glhvd lpad ugn hg'vdrm hggdfdm fhgw,v hggdfdm hglpad hg'vdrm hg;glhvd fhgw,v |
الكلمات الدليلية (Tags) |
محشي, الليبية, المحشي, الطريقة, الكلماري, بالصور, كلماري |
| |