|
#1
| |||
| |||
 اجمل قصيدة ليش سؤال يبحت عن اجابة                                 ياناس بينــّا ؟ ** ليش يابيّاعه..فى بيعكم ماعاد فيه قناعه؟ عدّوا الموت وقبركم والساعه..والنار والميزان والتعذيب روفوا بحال الناس م الطمّاعه..راه الزمان أوقات له تقليب ** ليش يادكتور..داير عيادة ع المريض أتجور ؟ كشفك أغلِي صاعب على المقهور..وأللي أمفلّس مادواه إيجيب وأيش الدّبـَاره والمعيشة زور ..والّلي مريض إيريدله تطبيب؟ ** ليش يامسئول..كاثر أغيابك مكتبك مقفول؟ تارك أعمال الناس موش اُصول..يبقوا يراجوا فيك وأنت اتغيب وشي واجد أمبعثره مجهول..يكفيك ويسدّك وبالك عيب ؟ ** ليش يامُعلّم..طفْيَت الشمعة نين فصلك ظلّم ؟ مهضوم حقك ؟ طالبه وتكلّم..لكن الواجب ماعليه أتغيب والتلميذ لازم ترشده وأتعلّم..حكّم ضميرك راه وراك حسيب ** ليش يابوجار..تطــّاول على جارك بعد لقدَار ؟ من شان تحريكة أعيال أصغار..والاّ صبايا دايرات سريب تغلب الحزّازه اتدير نهار..بعد العقـَاله تنهبل وأتخيب ! ** ليش ياشباب..من عيبكم نقدر أندير أكتاب ؟ الظلم ماينفع وراه أحساب..والنفس ماترزن بلا تدريب أنتوا المستقبل أن رحتوا غاب..وأنتوا الّلي بيكم الجّرح إيطيب ** ليش يامسكينة..خلّوك فى إيديهم أتقول عجينة ؟ لبستي الّلي مو لك ودرتي زينة..والكحل والمكياج والتضبيب ردّي عليّ أنكانك من طينة..من ناس مايرضوا بها السريب لمن تلبسي وتزوّقي دلّينا ؟..لمن تعرضي والّلي أحذاك غريب ؟ واجد خبر درتيه جَـدّ علينا..خلاّ كبير العقل كيف الذيب ! ردّي لعقلك وأبعدي ع الشينة..والّلي صبَر ربّي أحذاه قريب مستاسعة والاّ وراء تركينة..ماتاخذى منها الاّ النصيب ** ليش الخجَل متواري..وأقناع الحياء ماعاد له شي طاري ؟ وع المصلحة إيبيعوك مالك شاري..ووقت الشدايد مايجيك حبيب؟ ولاعاد لمّة لاأهناك سهاري..ولاعاد من ينشد نبَاك إيجيب؟ ** ليش البساطة راحت..وليش الطّيَابة م القلوب أنزاحت ؟ وليش الرّزَالة فرعَنت وأرتاحت..بين الخلايق دايره تدريب؟ وليش المحَنــّة سيّبوها طاحت..تمّا رفيق العمر كي الغريب؟ ** ليش الشهامة ناقصة مفقوده..وحتى أحبال الودّ مي مشدودة؟ وليش الوساطة بينا موجوده؟..وليش المصالح حكر ع الصاحيب؟ والعيب درنا نين فات أحدوده؟..وبعنا الّلي مزروع قبل إيطيب ؟ ** ليش تغلطوا ياناس؟..وين المحبة ؟وين هو الاحساس ؟ خلّوا كلام ألله هو الاساس..تحلَى المعيشة بينكم وأتطيب ماعمر جاه ومال جَن مقياس..ولا الفقر عار ولا الموت غريب المصدر: اقرأ أيضا::
المصدر: منتدي صور حب h[lg rwd]m gda schg dfpj uk h[hfm  |
 |
| الكلمات الدليلية (Tags) |
| سؤال, يبحت, اجابة |
| |
العرض العادي
