شعر روعه قصيدة فرحت لـك - محمد بن فطيس , شعر محمد بن فطيس المري , قصائد نبطية , روائع الشعر

[حورية فرغلي]

قصيدة , فرحت , محمد , فطيس , محمد , فطيس , المري , قصائد , نبطية , روائع , الشعر

شعر روعه قصيدة فرحت لـك - محمد بن فطيس , شعر محمد بن فطيس المري , قصائد نبطية , روائع الشعر

‏​‏​‏​‏​‏​من عجايب ابن فطيس أسمع التوصيف
فرحت لك وأنا معاليقي حطام
والصدر من ما فيه بيح كنينه


فرحة يتيم ليلة العيد ما نام !
خالاته , وخواله .. مواعدينه


مواعدينه بشت .وشماغ بسام
ويلعبونه .. في ملاهي المدينه


مانام .. واحلامه تحراه قدام
كنه يطول أحلامه بـ راحتينه )


صبحه تجلا نوره بـ عيد الاسلام
وقبل يروح المسجد : ملبسينه


جده ما بين العين والجيم واللام
خليه يافلانه .. ولا تأخرينه !


تراقبه بـ / عيونها .. حب وهيام
وعيونها .. مما تكنه / حزينه


يعرض لها الماضي مثل عرض الافلام
لـ .. ماضي ابوه وغلاه وحنينه


يرجيه لـ ( سنين القسا ) درع وحزام
وجنب على صكات بقعا يعينه


ابو ثلاث أعوام .. والا 4 أعوام
يغار منه البدر .. من كثر زينه


صلى وجاء وأمر الله اللي قضى تآم
ماهوب داري عنه زينه وشينه


بشته عليه .مهندم خير هندام
واللي بـ / عمره .كلهم محترينه


يوم اطلعو للشارع انقسمو أقسام
وأهم مافي القصه ؟ ملعبينه


تداعب رموشه .ذعاذيع الانسام
ويابردها .. يوم آيبست شفتينه


و ع تراب الأرض بأصبعه رسام
أما رسم له طير .. والا سفينه


العيد طعمه كان بالشارع العام
ماهوب عن رغباته .. مقيدينه


رجع ولكن فرحته ضايعه ( دام :
كل مشى ) وأخذ ولده بـ/ يمينه


صارو خواله في نظر عينه اصنام
آحيوا بـ .. داخله الجروح الدفينه


ولا عنده الا أمه وناب القهر سام
جاها يبي منها اليدين الأمينه


شعوره اللي حس به مثل الإلهام
وأول سؤال في باله أبوي وينه ؟


سؤال : لكن كان مثل النبا الهام
لازال باقي في المسامع .. رنينه


جته تعدي ماهو تخطي بالاقدام
وشالته بيديها .. وحبت جبينه


أبوك جاء البارح وقبل الفجر قام
وشرى لك ألعاب , وهدايا ثمينه


تراه حبك وأنت غارق في الاحلام
وراح لـ دوامه , والشغل مرسلينه


لحظه وهو بين الحقايق والأوهام
والدمع الازرق حاير فـ .. مقلتينه


يمه : ترى مانمت والعالم نيام
ماجاء .. ولا لمست يديني / يدينه


مدام رقمه معك من بين الارقام
بـ .. أكلمه , يوم إنك تكلمينه !


طاحت ما كن آلها من الصدمه عظام
ولاعاد فيها صبر .. ولا سكينه


قالت بدون شعور وإدراك وإلمام
أبوك ! في تراب القبر دافنينه


العام مات .. ومت من موته العام
وكني بعد مامات عني سجينه


أبوك جندي للوطن ضد الإجرام
عطاك عمره دون داره ودينه

اقرأ أيضا::

• قصائد خطيرة قصيدة ياللـه عفوك - محمد بن فطيس المري , اشعار نبطية , روائع مختارة

• اجمد قصيدة قصيدة ألا يا وجودي - محمد بن فطيس , شعر نبطي , قصائد محمد ابن فطيس المري,اشعار نبطية

• شعر جامد قصيدة سولفوا تكفون - محمد بن فطيس المري , قصائد نبطية , روائع الشعر النبطي

• اشعار رهيبة قصيدة علموه إني تركته- محمد بن فطيس المري , شعر بدوي , روائع الشعر,قصائد نبطية مختارة

• كلمات شعر قصيدة حكم ضميرك - محمد بن فطيس المري , قصائد نبطية , روائع مختارة , شعر نبطي

المصدر: منتدي صور حب

---

auv v,ui rwd]m tvpj gJ; - lpl] fk t'ds < hglvd rwhz] kf'dm v,hzu hgauv tvpj