كلمات اشعار شتسولف بعد وي خاطري المكسور؟! , شعر شعبي , أجمل القصائد العراقية,

[عنبة]

شتسولف , خاطري , المكسور؟! , شعبي , أجمل , القصائد , العراقية

كلمات اشعار شتسولف بعد وي خاطري المكسور؟! , شعر شعبي , أجمل القصائد العراقية,

شتسولف بعد وي خاطري المكسور؟!
جام إتكسـر بيا سالفـه تجبره...

صفره جفـــوف إديك وحجيك المسمـــوم
لـــون أصفــر طلــع والريـح إجـت صفـره

عساهــه إبخــت گلبي المـــاعرف يختار
والعــرفني بيك بحظـه وبعمــره

هسـه تـــريد ترجع مــن بعـد ماراح
عمـــري وشــد متــاعه وتيهــت عمـــره

بيـــافشلــة جـرح؟ ياعاطفـه أتلگاك؟!
أگلــك ثـــلج بعدك صـارت الجمـره

لاتتعـــب بعـد راحت الشـاره البيــك
مـــن سديت بابــك سـدوا الحضــره

وآنــه إلمـن بعــد فاتــح ضـــريح الشـــوگ
شباج الگــلب مايحمــل العصـره

بعيـونــي گبـل جـانت الدنيـه نجــوم
هسه إطشــرن وإتبدت الگمره

مـو فقـــره الجروح إتعلمــن بجفــاك
ضحكـه وسـالفه وتتقشمـــر الفقـره

تذكر من گلتلك لاتلـح عالبيــر؟؟
هسه شلون تشــرب طلعت الصخـــره؟

وگتلك لاتـــذب جرتـــك ماظـل ماي
(موكل مره تطلع سالمـه الجـــره)

گطـــرة مـــاي روحـــي ومرهـــه چفـــك نـــار
طشرهه وبچت وأختنگـت الگطــره

عساهــه بذمتك راح احـرگ البستان
خلهـه تمـوت سكته عيونك الفقــره

إلــه الموت شفتـــك بس گــلت بيـه روح
شـوف شكـد جبتهـــه ويـاك عالفطــره

وهسـه تريـد روحـي ولازم اكفـــر بيـــك
مادامـك صنم ماتنحـسب كفــره
مادامـك صنم ماتنحـسب كفــره

ميثاق الهلالي

اقرأ أيضا::

• اجدد كلمات أجمل الأشعار في العيد,أجمل القصائد للعيد السعيد.قصائد العيد.أشعار العيد.رسائل شعرية .

• احلى كلمات أجمل القصائد في الشعر الجاهلي

• احدث كلمات بعد ماحـاجه اتــعــب وبــنــي حــمــام , شعر شعبي عراقي , اشعار مكتوبة

• قصايد خطيرة قصيدة يافلان في خاطري لك كلمه , اجمل القصائد

• كلمات حساسة شعر شعبي باللهجة العراقية(لوحًة رسام)

المصدر: منتدي صور حب

---

;glhj hauhv ajs,gt fu] ,d oh'vd hgl;s,v?! < auv aufd H[lg hgrwhz] hguvhrdm< oh'vd hgl;s,v?! aufd H[lg