| |||||||
 |
| LinkBack | أدوات الموضوع | انواع عرض الموضوع |
|
#1
| |||
| |||
 قصيدة روعه هذه القصيده من اروع ماقيل في شعر الحكمة والوصيه ...                                 جميل هو الشعر .. وخاصة حينما يكون في الحكمه والنصح والوصيه .. وينتج من انسان مجرب ومن قلب ناصح اليكم اعزائنا القراء هذة النصيحه الذهبيه والتي قالها الشاعر الكبير الشريف بركات رحمه الله وهو من شعراء القرن العاشر تقريبا وهو من ابناء مكه المكرمه من الاشراف... وهذة القصيده هي نصيحه منه لولده مالك حيث قال فيها :: يامـرقـبٍ بالصـبح نطـيت راقـيك ~~~~~ مـاواحـدٍ قـبلي خـبرتـه تعـلاّك ولّيت يا ذا الدهر مااكبر بلاويك ~~~~~ الله يزّودنا السلامه مـن اتـلاك يا الي على العربان عمّت شكاويك ~~~~~ ولّيت يا دهر الشـقى وّل مـقواك واليوم ها الكانون غادٍ شبابـيك ~~~~~ تلعـب به الأرياح من كـل شـبّاك يا مالك أسمع جايتي يوم أوصيك ~~~~~ وأعرف ترى يابوك بآمرك وانهاك وصـيـتٍ مـن والـدٍ طـامـعٍ فـيـك ~~~~~ تسبق علىالسّاقـةالسانه لعلياك أوصيك بالتقوى عـسى الله يهديك ~~~~~ لـها وتـدركـها بتوفـيق مـولاك الله بحـق اجـدادك الغـر يعطيك ~~~~~ مـرضاته مـع ماتمـنـيته أمناك احفظ دبشك الي عـن الناس مغنيك ~~~~~ الي اليا بان الخلل فيك يرفاك واعـرف ترى مـكه ولاهـا بناخـيك ~~~~~ لـو تشحـذه خمسة ملاليم معـطاك اجعـل دروب المرجله مـن معانيك ~~~~~ واحذر تميّل عـن درجها بمـرقاك لاتنسـدح عـنها وتبغـيني أعـطيك ~~~~~ جمـيع ما يكفـيك ما حـصـل ذاك أدِّب ولدك إن كان تبغـيه يشـفيك ~~~~~ واستسعـفه من بعـد مرباه بالاك إما سمـج واستسمـجك عـند شانيك ~~~~~ ويـفر مـن فعله صديقك وشـرواك وإلا بعـد جـهـله ترى هـو ياذيك ~~~~~ لـو زعـلت أمـه لا تخـليه يالاك واحذر تضيع كـل منهو ذخـر فـيك ~~~~~ معـروفه لا تنساه واوفه بعرفاك ترى الصنايع بـين الاجواد تشريك ~~~~~ اليا طمـعـت بغـرسها لا تعـداك واحـذر سـرور بغبة البحر يرميك ~~~~~ ولا عنده افـلس من تشكيك وبكاك واوف الرجال حـقوقها قبل تاتيك ~~~~~ لا توفـيه بالقول فالحـق يقفاك وهرج النميمه والقفى لا يجي فيك ~~~~~ واياك عرض الغافـل اياي واياك تبـدي حديـثٍ للمـلا فـيه تشـكيك ~~~~~ وتهيم عندالناس بالكذب واشراك واليا نويت احـذر تعـلم بطاريك ~~~~~ كم واحدٍ تبغي به العرف واغواك واحـذر شماتت صاحـبٍ لك مـصافيك ~~~~~ واليا جـرالك جاريٍ قـال لـولاك ولا تحـسـبن الله قـطـوعٍ يخـليك ~~~~~ ولا تفرح إن اللةعلىالخلق بدّاك الضيف قـدَّم له مـن حـين يلفـيك ~~~~~ مما تطوله يا فـتىالجود يمناك احذر تلقـي الضـيف مقرن عـلابيك ~~~~~ خـله مـحـبٍ لك صـديقٍ اذا جـاك واوصيك زلات الصديق ان عـثا فيك ~~~~~ مازال يغطاهاالشعر فاحتمل ذاك راعـه ولـو ماشـفت انه يراعـيك ~~~~~ عـساك تكسـر نيته عـن مـعاداك واحـذر عـدوك لو ظهر بي يصافيك ~~~~~ خـلك نبيه وراقـبه وين ماجـاك لا تأمـنه واطلب من الله ينجـيك ~~~~~ ويـكـفـيك ربـك شـر ذولا وذولاك شفني انا يا بوك بآمرك وانهـيك ~~~~~ عـن التعرض بين الاثنين حـذراك اذا حـضـرت اطـلابةٍ مـع شـرابيك ~~~~~ اسعى لهـم بالصلح واللاش يفداك ابـذل لهم بالطـيب ربك يـنجـيك ~~~~~ ولا تجضع الميزان مع ذا ولا ذاك أما الشهاده فادّها إن دعوا فيك ~~~~~ بيِّن عـمود الدين لا عميَت ارياك بالك تـماشـي واحـدٍ لـك يرديـك ~~~~~ طالع بني جـنسك وفـكر بمـمشاك رابع أصـيلٍ فـي زمانـك يشاكـيك ~~~~~ لا شاف خمـلاتك عـن الناس غـطاك وأحـذرك عـن طرد المقفي حذاريك ~~~~~ عليك بالمقبل وترك الي تعـداك ثـم العـن الشيطان لياه يغـويك ~~~~~ ترى إن تبعـته للشـرابيك وداك واوصـيك لاتشـكـي عـلينا بـلاويك ~~~~~ انت السبب طـرفك عيونك بيمناك واعرف ترى اليا وطى الفهرواطيك ~~~~~ ولا انت أعـز من الجماعه هذولاك المسك ياراسي عـن الذل واخطـيك ~~~~~ واحـذر تكـلم يا لساني حـذراك والف بجارك وقـم من دون عـانيك ~~~~~ وافطن لما يعنيك عن ربعةأخواك ياذيب وان جتك الغنم في مفاليك ~~~~~ فاكمن الين ان الرعايا تعـدّاك مـن اولٍ ياذيـب تفـرس باياديـك ~~~~~ واليوم جاذيت عـن الفرس عـدّاك ياذيب عاهـدني واعاهـدك مـرميك ~~~~~ مرميك انا ياذيب لو زان مرماك والنفس خالف رايها قـبل ترمـيك ~~~~~ ترى لها الشيطان يرمي بالاهـلاك ومن بعـد ذا لا تصب النذل يعديك ~~~~~ وعن صحـبة الانذال حاشاك حاشاك ترى العشير النذل يخلف طـواريك ~~~~~ وانا ارجي انك ماتجي دون أباك والهقوة انك ماتجـي دون اهاليك ~~~~~ ولاظـن عـود الورد يثمر بتنباك والحر مثلك يستحـي يصحـب الديك ~~~~~ وان صاحبه عاعا معاعات الادياك لا تستمع قـول الطـرف يوم يلفيك ~~~~~ بالكذب يقضـي حاجـته كل ماجاك مـن نم لك نم بـك ولافـيه تشكيك ~~~~~ وأيلاه قـد ازرا رفـيقك وازراك عـندك حكـى فينا وعندي حكى فيك ~~~~~ واصبحت كارهـنا وحـنا كرهـناك مااخـطاك ماصابك ولو كان راميك ~~~~~ والي يصيبك لو تتقيت مااخـطاك مير استمع مني عـسى الله يهديك ~~~~~ النصـح يامالك لك الله لمـولاك عـندي مـظـنه ماتمـثلـتها فـيك ~~~~~ واطلب لك التوفيق من عندمـولاك اتمنى ان هذا الاختيار حاز على رضاكم ... تحياااتي للجميع ....... اقرأ أيضا::
المصدر: منتدي صور حب rwd]m v,ui i`i hgrwd]i lk hv,u lhrdg td auv hgp;lm ,hg,wdi >>> hv,u lhrdg hgp;lm  |
|
| الكلمات الدليلية (Tags) |
| القصيده, اروع, ماقيل, الحكمة, والوصيه |
| |
العرض العادي
