|
#1
| |||
| |||
 وصفة ولا اطيب توست مقرمش مع الدجاج                                 في ذات يوم قررت آخذ لي طبق لفصلي العزيز في الدار وبعد محاولات عديدة لطرد الكسل الفظيع الذي هو ناشبن فيني نشبتن مامثلها نشبه هاليومين قمت وتنشطت وقهرت الكسل والنوم وعزمت على دخول المطبخ وإظهار سناعتي ومهارتي في الطبخ وسويت صنف مالح وصنف حلو نبدأ بالمالح وبعده نحلي التوست بالدجاج أكلة سهلة وحلوة وطعمها خيال بس تاخذ وقت شوي في شغلها أول شي نبدا بطريقة التوست مقاديره 2 كيس توست بيضتين بقسماط الطريقة نجيب حبتين من التوست ونقطع أطرافها ونحطها فوق بعض ونفردها بفرادة العجين وبعدها نجيب قطاعة العجين الدائرية أو أي شي دائري ونقطع به التوست بحيث تكون حبتين التوست لاصقات ببعض زي في الصورة اللي فوق بعد مانقطع التوست .. نخفق حبتين بيض ونغمس فيها دوائر التوست وبعدها نغمسها في البقسماط ونقليها في زيت حار .. لما تحطين التوست في الزيت شوي أقل من دقيقة بينتفخ ويصير كأنه خبزة دائرية منتفخة زي اللي بأفلام الكرتون << يمديكم على التشبيه بس صورت الخطوة هذي ومدري وين طارت الصورة اختفت بدون سابق إنذار << ترا متعوب عليها المهم وش كنا نقول إيه .. لما يصير لون التوست اللي بالمقلاة ذهبي طلعيه وخليه واشتغلي في الحشوة إلين يبرد التوست الحشوة المقادير صدور دجاج مقطعة مكعبات صغيرة << على حسب الكمية اللي تحتاجينها .. أنا استعملت طبقين من الصغار اللي وزنهم نص كيلو << فديت الدقة بصلة كبيرة مقطعة مربعات صغيرة حبه كبيرة فلفل أخضر حلو مقطعة مربعات صغيرة فلفل حار حسب الرغبة حبتين جزر مبشور 1 م ك زنجبيل أخضر مبشور بقدونس مقطع صغير خس مقطع صغير فص ثوم كبير مفروم شوي زيت زيتون ملح وبهارات (فلفل أسود , كاري , قرفة مطحونة) ملعقتين كبار مايونيز ويمكن استبدالها بجبن سايل << أنا أحط ملعقة من هذا وملعقة من هذا لا تدققون قوة في الصورة ترا مو كل المقادير موجودة .. مع الحماس والربكة نسيت أصورها الطريقة تحطين شوي زيت زيتون في قدر .. وتحمسين البصل مع الثوم في الزيت ولما يصير لونه أصفر أو مايل للذهبي تحطين عليه الدجاج وتقلبين ولما يبدا الدجاج ينضج تضيفين عليه الفلفل الحلو والفلفل الحار والجزر وتقلبين وتخلينه شوي وتضيفين الزنجبيل وتقلبين ولما ينضج الدجاج تماما تضيفين عليه الخس والبقدونس وتقلبين وتخلينه دقيقتين وترفعينه من على النار ولما تهدا حرارته شوي تحطين عليه المايونيز أو الجبن السايل وتقلبينه زين في الأثناء هذي بيكون التوست برد .. بتمسكين كل حبة توست وتقطعينها من المنتصف بحيث تصير كأنها أنصاف دوائر مفتوحة وتحشينها بخلطة الدجاج .. وبالعافية على قلوبكم .. وهذا نصيب الحلوات الجميلات المصدر اقرأ أيضا::
المصدر: منتدي صور حب ,wtm ,gh h'df j,sj lrvla lu hg][h[ lrvla  |
 |
| الكلمات الدليلية (Tags) |
| توست, مقرمش, الدجاج |
| |
العرض العادي
